Շեհիդների և պատերազմի հաշմանդամների ընտանիքները նոր բնակարաններ են ստացել

07 Նոյեմբերի 2019 - 14:22

Աշխատանքի և բնակչության սոցիալական պաշտպանության նախարարությունը՝ Սարայ ավանում նոր բնակելի շենքում 40 բնակարան է տրամադրել՝ շեհիդների, ղարաբաղյան պատերազմի և հունվարի 20-ի իրադարձությունների հաշմանդամների ընտանիքներին:

Ինչպես հայտնում է Armenia.Az-ը՝ վկայակոչելով Armiya.az-ին, բնակարանների բանալիների հանձնման արարողությանը ելույթ ունեցող, աշխատանքի և բնակչության սոցիալական պաշտպանության փոխնախարար Վալաս Նասիրլին ասել է, որ նախագահ Իլհամ Ալիևի հոգատարության և ուշադրության շնորհիվ միջոցներ են ձեռնարկվում՝ շեհիդների և պատերազմի հաշմանդամների ընտանիքների սոցիալական պաշտպանության համար: Նա ընդգծել է, որ բացի պատերազմի վետերանների համար սոցիալական նպաստների և կենսաթոշակների չափի 100 տոկոսանոց ավելացումից, շեհիդների ընտանիքների համար նախագահական ամսական կենսաթոշակի չափը ավելացել է 242-ից մինչև 300 մանաթ:

Փոխնախարարի խոսքով, 2018 թ. վերը նշված կատեգորիայի քաղաքացիներին տրամադրվել է 626 բնակարան, ինչը 3 անգամ ավել է նախատեսվածից: 2019 թ. ղարաբաղյան պատերազմի հաշմանդամներին և շեհիդների ընտանիքներին նախատեսվում է տրամադրել 800 բնակարան, որից 214-ը արդեն տրամադրվել է ընթացիկ տարվա անցած ժամանակահատվածում: Ընդհանուր առմամբ, մինչ օրս նախարարությունը բնակարան է տրամադրել 6,868 շեհիդների և պատերազմի վետերանների ընտանիքներին:

ARMENIA.AZ