Էլմար Մամեդյարով. «Հայաստանը խոչընդոտում է հակամարտության շուտափույթ կարգավորմանն ուղղված ջանքերը»

05 Նոյեմբերի 2019 - 17:59

«Տարածաշրջանային խնդիրների լուծման և անվտանգության խնդիրների վերացման լավագույն ճանապարհը կարգապահության գլոբալ սկզբունքների պահպանումն է, որոնք հենվում են միջազգային իրավունքի վրա:

Սակայն, «Արևելյան գործընկերությունը» նոր սպառնալիքների հանդեպ կայուն և դրանց պատասխանելու ընդունակ դարձնելու համար մենք պետք է կատարենք Արևելյան գործընկերության հիմնական պարտավորությունները:

Ինչպես տեղեկացնում է Аrmenia.Az-ը, այս մասին հայտարարել է Ադրբեջանի արտաքին գործերի նախարար Էլմար Մամեդյարովը:

«10 տարի սրանից առաջ Պրահայում մենք ընդունեցինք համատեղ հռչակագիր, որով դրվեց Արևելյան գործընկերության հիմքը: Այնտեղ մենք միաձայն հայտարարեցինք, որ Արևելյան գործընկերությունը կառուցվելու է միջազգային իրավունքի սկզբունքների վրա հիմնված պարտավորությունների վրա: Մենք այլևս չենք կարող հանդուրժել օկուպացիան և Արևելյան գործընկերության հիմնարար սկզբունքների շահարկումը: Հայաստանը ոչ միայն օկուպացման տակ է պահում Ադրբեջանի հողերը, այլև խոչընդոտում է հակամարտության շուտափույթ կարգավորմանն ուղղված ջանքերը: Եվրախորհրդարանի կողմից 2013 թվականին ընդունված բանաձևի համաձայն՝ Արևելյան գործընկերության անդամ երկրներից մեկի կողմից մեկ այլ անդամի տարածքների օկուպացիան խախտում է Արևելյան գործընկերության հիմնարար սկզբունքները, հակասում դրա նպատակներին: Հայ-ադրբեջանական, ղարաբաղյան հակամարտության կարգավորումը պետք է համապատասխանի ՄԱԿ-ի Անվտանգության խորհրդի կողմից 1993 թվականին ընդունված թիվ 822, 853, 874 և 884 բանաձևերին»:

ARMENIA.AZ