Ադրբեջանցի պատգամավոր. «Փաշինյանը կորցրել է իր քաղաքական իմիջը»

05 Նոյեմբերի 2019 - 14:45

Լեռնային Ղարաբաղում հանրաքվե անցկացնելու մասին Հայաստանի վարչապետի առաջարկությունը հաստատում է, որ Հայաստանը ագրեսոր երկիր է, որը անցկացնում է ֆաշիստական քաղաքականություն։

Այդ մասին ասել է՝ «Ենի Ազերբայջան» իշխող կուսակցության կողմից Միլլի Մեջլիսի (խորհրդարան) պատգամավոր Այդըն Հուսեյնովը, մեկնաբանելով՝ Լեռնային Ղարաբաղում հանրաքվե անցկացնելու մասին Փաշինյանի առաջարկությունը, տեղեկացնում է Armenia.Az-ը։

Հուսեյնովը նշել է, որ Փաշինյանի անհեթեթ կարծիքը հնչում է շատ ինքնավստահ՝ «Մի պետության կողմից մյուս երկրի տարածքում, համաշխարհային հանրության կողմից ճանաչված Ադրբեջանի պատմական հողում հանրաքվե անցկացնելու ցանկությունը ապօրինի է և հանդիսանում է ադրբեջանական տարածքների նկատմամբ հավակնության ակնառու օրինակ»։

Պատգամավորի խոսքով, իրականում, 1991 թվականի նոյեմբերի 26-ից չկա «Լեռնային Ղարաբաղ» անվան ներքո նման վարչական կառույց, հետևաբար այնտեղ նման միջոցառում անցկացնելը հակասում է միջազգային նորմերին։

«Փաշինյանը կորցրել է իր քաղաքական իմիջը, ինչպես երկրում, այնպես էլ համաշխարհային հանրությունում։ Նա չի կարող հայկական լոբբիի և Լեռնային Ղարաբաղում մտացածին վարչակարգի առջև բացահայտ խոստովանել իր անճարակությունը, ուստի փորձելով մեղմել երկրում լարվածությունը՝ հնչեցնում է նման ցնդաբանական գաղափարներ։ Չնայած նրան, որ Փաշինյանը նման անիմաստ առաջարկությամբ փորձում է վերականգնել իր քայքայված հեղինակությունը, ֆաշիստական մտածելակերպով պայմանավորված նրա նենգ մտահաղացումները դատապարտված են խափանման»,- ասել է պատգամավորը։

ARMENIA.AZ