Իլհամ Ալիև. «Բակերում տեսախցիկներ պետք է տեղադրվեն»

05 Նոյեմբերի 2019 - 11:27

«Բազմաթիվ շենքերի, բլոկների վիճակը անբավարար է, վերելակային տնտեսությունը հնացած է: Որոշ դեպքերում միջթաղամասային բակերը զավթվում են և հասարակական օգտագործման վայրերը անհետանում են: Հետևաբար, օրինակելի բակեր ստեղծելը մեծ նշանակություն ունի»:

Armenia.Az-ի տեղեկատվությամբ, այդ մասին՝ Բաքու քաղաքի Գործադիր իշխանության ղեկավար Էլդար Ազիզովի հետ հանդիպմանը ասել է՝ Ադրբեջանի նախագահ Իլհամ Ալիևը:

«Մեզ պետք է համակցված մոտեցում ունենանք այս ոլորտում: Իհարկե, բակերը, նախ և առաջ, պետք է հարմարավետ լինեն քաղաքացիների համար, պետք է ձեռնարկվեն անվտանգության միջոցներ: Մի շարք զարգացած երկրների քաղաքների բակերում տեսախցիկներ են տեղադրվում: Այժմ Բաքվում քաղաքի շատ վայրերում տեղադրվել են տեսախցիկներ, որոնք մեծ դեր են խաղում հանցագործությունների բացահայտման և հանցագործներին պատասխանատվության ենթարկելու գործում: Կարծում եմ, որ բակերում պետք է տեղադրվեն նաև տեսախցիկներ, անվտանգության միջոցները պետք է ապահովվեն ավելի բարձր մակարդակով», - ասել է նախագահը:

Նաև վերելակային տնտեսությունը: Մի քանի տարի առաջ, կրկին իմ կարգադրության համաձայն, թարմացվել է բազմաթիվ շենքերի վերելակային տնտեսությունը: Սակայն, ցավոք, շահագործման ժամանակահատվածում վերելակները շարքից դուրս են գալիս: Դրա համար էլ վերելակային տնտեսությունը պետք է ամբողջությամբ թարմացվի, և դրանց գործարկման հետ կապված առաջարկություններ ներկայացվեն: Ընդհանուր առմամբ, մենք այժմ ստեղծում ենք օրինակելի բակեր: Բայց եթե այդ բակերը պատշաճ կերպով չպահպանվեն, եթե մշտական ուշադրություն չդարձվի, ապա ամբողջ կայացած աշխատանքը տապալվելու է մեկ, երկու, հինգ տարի հետո: Հետևաբար, մտածեք, առաջարկներ արեք այն մասին, թե ինչպես անել, որպեսզի ստեղծված նոր ենթակառուցվածքը, ներառյալ բարեկարգման աշխատանքը մշտապես գտնվի վերահսկողության տակ և վերանորոգման կարիք ունեցող օբյեկտները պարբերաբար վերանորոգվեն», - ընդգծել է պետության ղեկավարը:

ARMENIA.AZ