Իլհամ Ալիև. «Բաքվում աստղագիտական խորհրդաժողովի անցկացումը մեր հերթական հաղթանակն է»

30 0Հոկտեմբերի 2019 - 10:24

«Բաքվում աստղագիտական խորհրդաժողովի անցկացումը մեր հերթական հաղթանակն է»:

Այս մասին հայտարարել է Ադրբեջանի նախագահ Իլհամ Ալիևը «Ազերկոսմոս» ԲԲԸ-ի նախագահ Ռաշադ Նաբիևի հետ հանդիպմանը:

ԱՄՆ-ի մայրաքաղաք Վաշինգտոնում Միջազգային աստղագիտական ֆեդերացիայի գլխավոր վեհաժողովում անցկացված ընտրությունների արդյունքում Ադրբեջանը իրավունք է ստացել անցկացնել 2022 թվականի Աստղագիտական միջազգային խորհրդաժողովը, տեղեկացնում է Аrmenia.Az-ը:

«Մի քանի օր սրանից առաջ Վաշինգտոնում կայացած գագաթնաժողովում որոշում է ընդունվել հերթական խորհրդաժողովը Ադրբեջանում անցկացնելու մասին: Դա շատ կարևոր իրադարձություն է: Կուզենայի շնորհավորել ձեզ այս մեծ հաղթանակի առթիվ: Ինձ հայտնի է, որ «Ազերկոսմոսը» և այլ պետական կառույցները մեծ ջանքեր են գործադրել այդ միջոցառումն Ադրբեջանում անցկացնելու իրավունք ստանալու համար», - ասել է Իլհամ Ալիևը:

Նախագահի խոսքով, տվյալ միջոցառման կարևորությունը հաստատող պահերից մեկն այն է, որ կոնգրեսի աշխատանքներին մասնակցում էր նաև ԱՄՆ-ի փոխնախագահ պարոն Պենսը:

«Այս որոշումը, իհարկե, խոսում է Ադրբեջանի քաղաքական մեծ հեղինակության, մեր հանդեպ մեծ վստահության մասին: Հիշում եմ, ընթացիկ տարվա հուլիսին Միջազգային աստղագիտական ֆեդերացիայի նախագահը գտնվում էր Ադրբեջանում: Ես ընդունեցի նրան և հայտնեցի հերթական կոնգրեսը Բաքվում անցկացնելու մեր մտադրությունը: Մենք համարում ենք, որ դա արդարացի կլինի, քանի որ վերջին տարիներին Ադրբեջանը տպավորիչ հաջողությունների է հասել ժամանակակից տեխնոլոգիաների, տիեզերական արդյունաբերության ոլորտներում: Ներկա դրությամբ մենք ուղեծիր ենք արձակել 3 արբանյակ: Ադրբեջանի տիեզերական արդյունաբերությունը շարունակում է զարգանալ: Ադրբեջանը տիեզերական ակումբի սակավաթիվ անդամներից է», - ասել է Իլհամ Ալիևը:

ARMENIA.AZ