Ադրբեջանի նախագահ. «Ստվերային բիզնեսի բացահայտումը կբարելավի մեր տնտեսական ցուցանիշները»

23 0Հոկտեմբերի 2019 - 11:33

Համարում եմ, որ ստվերային բիզնեսի բացահայտումը իհարկե, կբարելավի նաև մեր տնտեսական ցուցանիշները:

Ինչպես հայտնում է Armenia.Az-ը, այս մասին մասնավորապես ասել է Ադրբեջանի նախագահ Իլհամ Ալիևը՝ Շահին Մուստաֆաևին ընդունելու, նրան նոր՝ փոխվարչապետի պաշտոնում նշանակվելու ժամանակ:

Նրա խոսքով, Հարավային Կովկասի մյուս երկրներում ժողովրդագրական աճ չկա:

«Դրա համար էլ այդ երկրներում խնդիրներ ևս չկան, որոնց հետ մենք բախվում ենք: Ես բազմիցս ասել եմ, որ մեր տնտեսական աճը պետք է առաջ անցնի ժողովրդագրական աճից: Դրան հասնելու համար մենք պետք է բացահայտենք աճի նոր աղբյուրներ: Դրանցից մեկը ստվերային տնտեսության դեմ պայքարն է: Ցավոք, առայժմ ստվերային տնտեսությունը ներառում է մեր տնտեսության մի մասը: Ճիշտ է, այս խնդիրը առկա է հետխորհրդային բոլոր երկրներում, և նրանք փորձում են պայքարել դրա դեմ: Ադրբեջանում ստվերային տնտեսության դեմ պայքարը իրականացվում է ավելի կազմակերպված ձևով: Համարում եմ, որ ստվերային բիզնեսի բացահայտումը իհարկե, կբարելավի նաև մեր տնտեսական ցուցանիշները: Այսինքն՝ ցուցանիշները կարտացոլեն իրականությանը: Միևնույն ժամանակ, գործարար շրջանակները պետք է իմանան, որ երկրում գործում են միասնական օրենքներ, միասնական կանոններ: Պետք է լուրջ պայքար մղվի մոնոպոլիզմի դեմ: Երբեմն պետական պաշտոնյաները, որոնք միաժամանակ աջակցում են տարբեր գործարար շրջանակների, ներգրավվում են անարդար մրցակցության մեջ: Ադրբեջանում մոնոպոլիզմի դեմ պայքարը պետք է կազմակերպված բնույթ կրի: Եթե մենք հասնենք դրան, ապա, իհարկե, ավելի լավ պայմաններ կստեղծվեն գործարար շրջանակների համար», - ասել է պետության ղեկավարը:

ARMENIA.AZ