Wood Mackenzie. Ադրբեջանի էներգետիկ հատվածը դեռ պահպանում է զգալի չափով չբացահայտված ներուժ

22 0Հոկտեմբերի 2019 - 12:18

Ադրբեջանի էներգետիկական հատվածը դեռ պահպանում է զգալի չափով չբացահայտված ներուժ։

Այդ մասին Armenia.Az-ին ասել է՝ Կասպիական տարածաշրջանի և Եվրոպայի հարցերով Wood Mackenzie միջազգային կոնսալտինգային ընկերության գլխավոր վերլուծաբան Էշլի Շերմանը։

«Ադրբեջանի էներգետիկ հատվածը ուժեղանում է նաև երկու խոշորագույն նավթագազային նախագծերով՝ «Ազերի Չըրագ Գյունեշլի» և «Շահ Դենիզ», որոնց պայմանագրերը երկարաձգվել են մինչև 2040-ական թվականների վերջը։ Ընթացիկ ներդումները, ներառյալ նոր գծերի համար ներուժը, հաջորդ տասնամյակների ընթացքում կբացեն միլիարդավոր բարելլների նավթային համարժեք»,- ասել է Շերմանը։

Գլխավոր վերլուծաբանի խոսքով, բայց Ադրբեջանը պետք է պայքարի՝ փոփոխվող համաշխարհային արդյունաբերության մեջ նոր նավթագազային նախագծերում ներդրումների համար։

«Երկիրը պետք է հարմարվի նաև էներգետիկ անցումին և նոր անակնկալներին, երբ նավթի պահանջարկը կհասնի առավելագույնի։ Դա ներառում է՝ տնտեսության և կայուն էներգետիկ հատվածի համար երկրի ներսում վերականգնվող էներգիայի աղբյուրների զարգացման արագացման անհրաժեշտությունը»,- հավելել է Շերմանը։

Գլխավոր վերլուծաբանը նշել է, որ ինչպես և Կասպյան տարածաշրջանի մյուս երկրներում, Ադրբեջանում նոր նավթագազային նախագծերը հաճախ դառնում են առավել բարդ՝ տեխնիկապես և առևտրականորեն։

«Թեթև նախագծերը հիմնականում կատարվել են։ Ադրբեջանում ակնկալվում է հետագայում Կասպից ծովի խորջրյա մասերում, մեծ խորությամբ և ճնշումով շերտերից գազի հետախուզում և արդյունահանում։ Լավ օրինակ է հանդիսանում BP-ի և SOCAR-ի կողմից մշակված՝ «Շաֆագ-Ասիման» բլոկում հետախուզական հորատանցքը։ Դա երկարաժամկետ հեռանկարում մշակման համար մեծ ռեսուրսներ պահանջող շատ բարդ հորատանցք է»,- ասել է Շերմանը։

Գլխավոր վերլուծաբանի կարծիքով, համաշխարհային օվկիանոս ելք չունեցող Կասպից ծովի նավթագազային հատվածի համար, որպես երկու գլխավոր առաջնահերթություններ՝ կօգտագործվեն նորագույն տեխնոլոգիաները և ծախսերի կառավարումը։

ARMENIA.AZ