Ղարաբաղի ադրբեջանական համայնք. ԵԱՀԿ ՄԽ-ն պետք է ճնշում գործադրի հայերի վրա

18 0Հոկտեմբերի 2019 - 16:00

ԵԱՀԿ Մինսկի խումբը (ՄԽ) պետք է ճնշում գործադրի հայերի վրա, որպեսզի վերջ դնի նրանց անօրինական, հանցագործ գործունեությանը։

Այդ մասին Միջազգային հարաբերությունների վերլուծության կենտրոնում՝ «Ղարաբաղն Ադրբեջանն է» թեմայով «կլոր սեղանի» շրջանակներում իր ելույթում ասել է՝ «Ադրբեջանի Լեռնային Ղարաբաղի ադրբեջանական համայնք» հասարակական միավորման նախագահ Թուրալ Գյանջալիևը։

Գյանջալիևը նշել է, որ համայնքը շարունակում է ակտիվորեն աշխատել, ինտենսիվ հանդիպումներ է անցկացնում, ինչպես երկրի ներսում, այնպես էլ նրա սահմաններից դուրս. «Մենք ԵԱՀԿ Մինսկի խմբի համանախագահների հետ հանդիպում ենք արդեն երկրորդ անգամ։ Վերջին հանդիպումը կայացել է երեկ, որից անմիջապես հետո համանախագահները հանդես են եկել հայտարարությամբ։ Եվ այն, որ ադրբեջանական համայնքը հայտարարություններում նշված է, որպես շահագրգռված կողմ, ցույց է տալիս, որ հայերի կեղծված հավակնությունները չեն ընդունվում։ Մենք, այսինքն ադրբեջանական համայնքը, հանդիսանում ենք շահագրգռված կողմ, հետևաբար մեզ հետ համանախագահների հանդիպումը շատ է անհանգստացրել ղարաբաղյան անջատողականներին։ Առաջ քաշելով տարբեր պատճառներ, հավակնություններ՝ նրանք չեն կարող մարսել այն, որ համանախագահները իրենց հայտարարություններում նշել են ադրբեջանական համայնքին»։

Գյանջալիևը ընդգծել է, որ անհրաժեշտ է էլ ավելի ակտիվանալ տեղեկատվական պատերազմում, բանակցություններում, քննարկումներում. Երեկ մենք համանախագահներին փոխանցեցինք մեր բոլոր պահանջները, ցանկությունները՝ նշելով, որ բազմիցս դիմել ենք, որպեսզի երկխոսության անցկացման համար հանդիպել հայկական համայնքի հետ։ Եվ ԵԱՀԿ Մինսկի խումբը այդ ուղերձը բազմիցս հասցրել է նրանց, սակայն հայկական համայնքը մինչև այժմ չի արձագանքել։ Ողջ միջազգային հանրությունը ընդունում է, որ երկու համայնքները, վաղ թե ուշ պետք է համատեղ ապրեն Ադրբեջանի Լեռնային Ղարաբաղի մարզում։ Դա հիանալի հասկանում է նաև հայկական համայնքը։ Սակայն համատեղ գոյատևելու նրանց ցանկություն չունենալը խոսում է նրանց ապակառուցողական նկատառումների մասին։ Մենք այդ մասին բացահայտ ասել ենք համանախագահներին՝ նշելով, որ, եթե անցյալում հայկական համայնքը մեզ հետ համատեղ ապրել է Ադրբեջանի տարածքային ամբողջականության շրջանակներում, ապա ինչու՞ է հրաժարվում երկխոսությունից։ Դա կրկին անգամ ցույց է տալիս՝ Հայաստանի կառավարության, ապօրինի վարչակարգի ապակառուցողական դիրքորոշումը, ինչպես նաև այն, որ նրանք զավթողական կողմ են։ Մենք համանախագահներին տեղեկացրել ենք նաև Ադրբեջանի օկուպացված տարածքներում պատմամշակութային հուշարձանների և կրոնական ժառանգության ոչնչացման մասին՝ պահանջելով, որպեսզի վերջ դրվի նման իրավիճակին։ Մենք բողոք ենք հայտնել Շուշայի գլխավոր խորհրդանիշը հանդիսացող՝ Գյովհար Աղա մզկիթի «վերանորոգման» ավարտի վերաբերյալ։ Մենք համանախագահներին կրկին անգամ պատմել ենք, որ դա Ադրբեջանի պատմության կեղծմանն ուղղված քայլ է և նրանք պետք է ճնշում գործադրեն հայերի վրա, որպեսզի վերջ տան նրանց ապօրինի, հանցագործ գործունեությանը։

ARMENIA.AZ