Ադրբեջանի ԱԳՆ ղեկավարը հիասթափված է՝ Մնացականյանի հետ Ղարաբաղի շուրջ վերջին հանդիպումից

17 0Հոկտեմբերի 2019 - 10:10

Ադրբեջանի արտգործնախարար Էլմար Մամեդյարովն ասել է, որ ղարաբաղյան կարգավորման վերաբերյալ Հայաստանի հետ երկխոսությունը՝ ԵԱՀԿ Մինսկի խմբի համանախագահների միջնորդությամբ՝ արտգործնախարարների մակարդակով, կշարունակվի, չնայած Նյու Յորքում հանդիպումը «փոքր-ինչ հիասթափեցրեց» նրան:

«Վերջին անգամ մենք հանդիպեցինք Միացյալ Նահանգներում մեկ ամիս առաջ: Ես արդեն ասել եմ, որ, ցավոք, մենք պետք է խոսենք ոչ թե բանակցությունների, այլ հանդիպման մասին: Չնայած, որ իմ հայ գործընկերոջ հետ վերջին նման հանդիպումը եղել է Նյու Յորքում Մինսկի խմբի մասնակցությամբ, ճիշտն ասած, ես մի փոքր հիասթափված եմ դրանից », - ասել է ադրբեջանցի դիվանագետը՝ ռուսական« Իզվեստիա» թերթին տված հարցազրույցում, հայտնում է Аrmenia.Az-ը:

«Եթե մենք ուզում ենք առաջ շարժվել և իրապես ցանկանում ենք գտնել այս հարցի քաղաքական լուծումը, և իհարկե, մենք պետք է սկսենք այն, ինչ կոչվում է իմ նախընտրած բառով՝ «սուբստանտիվ բանակցություններ», որպեսզի գոյություն ունենա որևէ նյութ, որի հիման վրա հնարավոր լինի խոսել: Այո, մենք բանակցում էինք, բայց Մինսկի համանախագահները մի պահ ասացին. իսկ ռազմական գործողությունները շփման գծում… », - նշել է նախարարը:

Միևնույն ժամանակ, նա հավելել է, որ չնայած ղարաբաղյան շփման գծում «բավականին թեժ» իրավիճակին, երկխոսությունը շարունակվել է այս բոլոր տարիներին:

«Սակայն, հանուն օբյեկտիվության, անցած տարիների ընթացքում, ի դեպ, որքա՞ն: - սկսել ենք Պրահայում, այնուհետև այն հանգեցրել է Մադրիդյան փաստաթղթին. բոլոր ժամանակներում շփման գծում բավականին թեժ էր: Եվ, այնուամենայնիվ, մենք կարող էինք լուծել խնդիրները, առաջ շարժվել, և մենք բավականին լուրջ, քայլ առ քայլ բանակցություններ անցկացրեցինք, թե ինչպես լուծել ընթացիկ խնդիրները, առաջին հերթին՝ պայմանավորվել, որպեսզի զինծառայողները վերադառնան իրենց զորանոցները, իսկ մշտական բնակության վայրերից վտարված մարդիկ վերադառնան իրենց տներ. Դրանից հետո մնացած բոլոր հարցերը կարող էին լուծվել», - ասել է Ադրբեջանի արտգործնախարարը:

ARMENIA.AZ