Ադրբեջանի կրոնական դավանանքների առաջնորդները՝ Վերին Գյովհարաղա մզկիթի «վերականգնման» մասին

12 0Հոկտեմբերի 2019 - 09:43

Ադրբեջանում կրոնական դավանանքների առաջնորդները համատեղ հայտարարություն են տարածել՝ Շուշայի Վերին Գյովհարաղա մզկիթի հետ կապված:

Ինչպես Armenia.Az-ին հայտնել են Կովկասի մահմեդականների վարչության մամուլի ծառայությունից, հայտարարության մեջ ասվում է.

«1883 թվականին հայտնի ադրբեջանցի ճարտարապետ Քերբալայի Սեֆիխան Գարաբաղիի կողմից՝ Ղարաբաղի Իբրահիմ Խալիլ խանի դստեր՝ Գյովհարաղայի պատվին կառուցված, Ադրբեջանի օկուպացված Շուշա քաղաքում գտնվող Ջումա մզկիթ կրոնական հուշարձանի նկատմամբ նպատակաուղղված ահաբեկչություն է իրականացվում:

Ադրբեջանի օկուպացված հողերում մեր ժողովրդի մշակութային, պատմական և հոգևոր ժառանգությունը ոչնչացնող Հայաստանը, պատրաստվում է՝ «վերանորոգումից և վերականգնումից» հետո, իր իսկ կողմից ավերված Շուշայի Գյովհարաղա մզկիթի «բացմանը»: «Վերանորոգումից» հետո մզկիթը բացելով ՝ Հայաստանը փորձում է խաբել միջազգային հանրությանը՝ իրեն ցույց տալով մի երկրի պատկերով, որը «հոգ է տանում» պատմական հուշարձանների մասին»:

Հայտարարությունը ստորագրել ե՝ն ԿՄՎ-ի նախագահ Շեյխուլիսլամ Ալլահշուքյուր Փաշազադեն, Բաքվի և Ադրբեջանի արքեպիսկոպոս Ալեքսանդրը, Բաքվում լեռնային հրեաների համայնքի ղեկավար Միլիխ Եվդաևը, Ադրբեջանի Հանրապետության Ալբանա-Ուդինական քրիստոնեական համայնքի նախագահ Ռոբերտ Մոբիլին:

ARMENIA.AZ