Ադրբեջանի ԱԳՆ. Շավարշ Քոչարյանը զբաղվում է հայ ժողովրդին խաբեությամբ

12 0Հոկտեմբերի 2019 - 10:21

Հայաստանի արտաքին գործերի փոխնախարարը կեղծիք է տարածում և զբաղվում է հայ ժողովրդին խաբեությամբ։

Ինչպես փոխանցում է Armenia.Az-ը, այդ մասին հայտարարել է՝ Ադրբեջանի արտաքին գործերի նախարարության մամուլի խոսնակ Լեյլա Աբդուլլաևան, մեկնաբանելով՝ Խանքենդիում ֆորումի ժամանակ Հայաստանի արտաքին գործերի փոխնախարար Շավարշ Քոչարյանի արտահայտությունները։

Նրա խոսքով, Քոչարյանի կողմից միջազգային «ժողովուրդների ինքնորոշման իրավունքի սկզբունքները՝ Ադրբեջանի Լեռնային Ղարաբաղի մարզում ապրող հայկական համայնքի անօրինական բռնի անջատողական ջանքերի հետ նույնացնելը, որը աջակցվում է Հայաստանի ագրեսիվ գործունեությամբ՝ նշանակում է կեղծիքով և իրավունքի սկզբունքների աղավաղմամբ սնուցված պատմության նենգափոխում։

«Իրավունքը կեղծիքներ չի հանդուրժում։ Փաստաթղթերը, որոնցում արտացոլված են միջազգային իրավունքի սկզբունքները՝ գրված են բավականին բաց և հասկանալի լեզվով։ Եթե Շ. Քոչարյանը պատկերացում չունի ՄԱԿ-ի Կանոնադրության, ՄԱԿ-ի Անվտանգության Խորհրդի բանաձևերի, ԵԱՀԿ Հելսինկիի եզրափակիչ ակտի, ինչպես նաև ԽՍՀՄ-ի Գերագույն խորհրդի կողմից՝ անօրինական անջատողական միտումների կապակցությամբ ընդունված որոշումների մասին, այդ դեպքում Հայաստանի արտաքին գործերի փոխնախարարին պետք է միայն խղճալ։

Սումգայիթի իրադարձությունների աղավաղումը, որոնք Հայաստանի կողմից նախապատրաստվել ու իրագործվել են Ադրբեջանի դեմ ագրեսիայի շրջանակներում, և այն, որ այդ հանցագործության հետ կապված դատարանի կողմից դատապարտվածների միջև 92 մարդ եղել են նաև հայեր, ցույց է տալիս, որ հայկական կողմը հերթական անգամ փորձում է իր պատասխանատվությունը դնել ուրիշների վրա։ Այսօր տարածաշրջանում տիրող իրավիճակի, Ադրբեջանի միջազգային մակարդակով ճանաչված տարածքների 20%-ի օկուպացիայի տակ գտնվելու, ավելի քան մեկ միլիոն ադրբեջանցին փախստականների և հարկադիր վերաբնակների առկայության միակ պատճառը հանդիսանում է՝ Հայաստանի կողմից պետական մակարդակով իրագործվող ագրեսիվ և զավթողական քաղաքականությունը։

Հակամարտության կարգավորման շուրջ բանակցությունները ԵԱՀԿ Մինսկի խմբի միջնորդությամբ՝ անցկացվում են Հայաստանի և Ադրբեջանի միջև։ Բանակցությունների հիմնական սկզբունքները, էությունը բազմիցս հրապարակվել են համանախագահ երկրների կողմից։ Հակամարտության էությունը և բանակցությունների գործընթացը աղավաղելու Շ. Քոչարյանի անիմաստ և անհիմն փորձերը հանդիսանւմ են ոչ այլ ինչ, քան հայկական էժանագին քարոզչություն»,- ասել է Լ. Աբդուլլաևան։

ARMENIA.AZ