Հանդիպում է անցկացվել Լեռնային Ղարաբաղի տարածաշրջանի երիտասարդների հետ

11 0Հոկտեմբերի 2019 - 17:49

Այսօր Լեռնային Ղարաբաղի մարզի ադրբեջանական համայնքը և Ադրբեջանի Երիտասարդական հիմնադրամը հանդիպում են անցկացրել՝ Լեռնային Ղարաբաղի տարածաշրջանի երիտասարդության ներկայացուցիչների հետ:

Ինչպես տեղեկացնում է Аrmenia.Az-ը, միջոցառմանն իր ելույթում՝ համայնքի ղեկավար Թուրալ Գյանջալիևը պատմել է համայնքի գործունեության մասին և ընդգծել է, որ Հայաստանի հետ հակամարտությունը շարունակվում է բոլոր հարթակներում, ներառյալ ռազմական, դիվանագիտական հարթակում և սոցիալական լրատվամիջոցներում:

«Լեռնային Ղարաբաղի հակամարտությունը շարունակվում է որպես տեղեկատվական պատերազմ: Այս առումով անհրաժեշտ է օգտագործել մեր երիտասարդության ներուժը: Մենք պետք է մեծ ուշադրություն դարձնենք՝ ղարաբաղյան հակամարտության վերաբերյալ կեղծ և անհավաստի տեղեկություններ տարածելու, «Գյովհար աղա» մզկիթի ճարտարապետությունը փոխելու, այն այլ անվան տակ ներկայացնելու փորձերին», - նշել է Թ. Գյանջալիևը:

Այնուհետև ելույթ է ունեցել Միլլի Մեջլիսի պատգամավոր Ֆլորա Գասիմովան: Նա երիտասարդությանը կոչ է արել՝ ակտիվորեն պայքարել հայկական կեղծիքի դեմ. «Հայաստանի վարչապետ Փաշինյանի հայտարարությունները լուրջ հարված են հասցնում խաղաղ գործընթացին: Նախագահ Իլհամ Ալիևը՝ «Վալդայ» ակումբում արժանի պատասխան տվեց հայերին: Մարդիկ միավորվում են Սոչիում նրա արած՝ «Ղարաբաղը Ադրբեջանն է և բացականչական նշան» հայտարարության ներքո: Մենք պետք է ձգտենք ամեն քայլափոխին տեղեկացնել այս հայտարարության մասին: Ադրբեջանում տնտեսության և քաղաքականության բնագավառում իրականացվող բոլոր աշխատանքները ուղղված են մեր հողերը օկուպացիայից ազատագրելուն»:

ARMENIA.AZ