Աշխաբադում կայացել է Ադրբեջանի և Թուրքմենստանի նախագահների հանդիպումը

11 0Հոկտեմբերի 2019 - 10:06

Հինգշաբթի Աշխաբադում կայացել է՝ Ադրբեջանի նախագահ Իլհամ Ալիևի և Թուրքմենստանի նախագահ Գուրբանգուլի Բերդըմուհամեդովի հանդիպումը, հայտնում է Аrmenia.Az -ը:

Ողջունելով նախագահ Իլհամ Ալիևին՝ նախագահ Գուրբանգուլի Բերդիմուհամեդովն ասել է.

- Իլհամ Հեյդարովիչ, թույլ տվեք ողջունել Ձեզ Թուրքմենստանում, Աշխաբադում, ես կցանկանայի շատ շնորհակալություն հայտնել Ձեզ, որ ընդունեցիք մեր հրավերը՝ այցելելու և ԱՊՀ պետությունների ղեկավարների խորհրդի նիստին մասնակցելու համար: Կարծում եմ, որ մենք շատ լավ հնարավորություն կունենանք բարձրացնել գործընկերության արդյունավետությունը՝ ի շահ մեր ժողովուրդների: Կրկին անգամ ողջունում եմ ձեզ: Բարի գալուստ:

Նախագահ Իլհամ Ալիևն ասել է.

- Շնորհակալ եմ, հարգելի Գուրբանգուլի Մյալիքգուլիևիչ: Շնորհակալություն հրավերի, հյուրընկալության համար: Միշտ ուրախ եմ լինել Թուրքմենստանի եղբայրական երկրում: Ես հիշում եմ իմ անցած տարվա այցը և հանդիպումը ձեզ հետ, ստորագրված փաստաթղթերը: Կարծում եմ, այդ ժամանակ մենք ռեկորդ սահմանեցինք: Ստորագրվել է ավելի քան 20 փաստաթուղթ, որոնք արտացոլում են երկու եղբայրական երկրների միջև հարաբերությունների բնույթն ու ոգին: Իհարկե, ԱՊՀ պետությունների ղեկավարների վաղվա գագաթնաժողովը կարևոր նշանակություն ունի բազմակողմ համագործակցության հետագա ամրապնդման համար: Ես կցանկանայի շնորհավորել ձեզ այս կարևոր միջազգային միջոցառման հիանալի կազմակերպման կապակցությամբ և մաղթում եմ Ձեզ, Թուրքմենստանի եղբայրական ժողովուրդին ամենայն բարիք, նոր նվաճումներ ու հաղթանակներ:

ARMENIA.AZ