Լեռնային Ղարաբաղի ադրբեջանական համայնքը՝ Վերին Գյովհարաղա մզկիթի «վերականգնման» մասին

10 0Հոկտեմբերի 2019 - 10:09

Ադրբեջանի Լեռնային Ղարաբաղի մարզի ադրբեջանական համայնքը հայտարություն է տարածել՝ Շուշայում Վերին Գյովհարաղա մզկիթում հայերի «վերանորոգման-վերականգնման» աշխատանքների հետ կապված, փոխանցում է Armenia.Az-ը։

«Ադրբեջանի օկուպացված տարածքներում մեր ժողովրդին պատկանող մշակութային, պատմական և կրոնական ժառանգությունը ոչնչացնող Հայաստանը՝ Շուշայում Վերին Գյովհարաղա մզկիթում «վերանորոգման-վերականգնման» աշխատանքներից հետո, պատրաստվում է սադրիչ «բացմանը»։ Սա մեր օկուպացված տարածքներում ապօրինի գործունեության հերթական ակնառու օրինակն է, որը իրագործվում է Հայաստանի և նրա ղեկավարող հանցագործ վարչակարգի կողմից։

Ինչպես հայտնի է, մզկիթը, որը կրում է Ղարաբաղի Իբրահիմ խանի դստեր՝ Գյովհար աղա (Գյովհարնիսե բեյիմ) անունը՝ Գյովհարնիսեի նյութական աջակցությամբ, զույգ մինարեթների ձևով, 1883 թվականին ճարտարապետ Սաֆիխան Գարաբաղիի կողմից կառուցվել է նրա հոր՝ Իբրահիմ խանի մզկիթի տեղում, որը գտնվում էր վատթար վիճակում։

«Վերանորոգումից» հետո մզկիթի «բացումը»՝ Հայաստանի կողմից միջազգային հանրությանը խաբելու հերթական էժանագին շոու է։ Այսպիսով, Հայաստանը ուզում է իրեն ողջ աշխարհին ներկայացնել, որպես պատմական հուշարձաններին «հոգատարությամբ» վերաբերվող երկիր։ Եթե Հայաստանի իրոք այդպիս հոգատարությամբ է վերաբերվում պատմական հուշարձաններին, ապա ինչու՞ է ոչնչացնում մեր ժողովրդին պատկանող հարյուրավոր մշակութային, պատմական և կրոնական հուշարձանները։ Ինչու՞ են հայ բարբարոսները երկրի երեսից ջնջում մզկիթների, եկեղեցիների և մյուս հուշարձանների հետքերը, որոնք իր ժամանակին եղել են Շուշայում։ Եթե Շուշայի վաղեմի տեղացի բնակչությունը՝ ադրբեջանցիները վտարվել են այնտեղից, ապա ո՞վ պետք է օգտվի Վերին Գյովհար աղայի մզկիթից»

Մեզ համար ցավալի է նաև նրա համար, որ հայ զավթիչները փոխելով մեր ժողովրդի ճարտարապետության այդ մարգարիտի ճարտարապետությունը՝ այն ներկայացնում են, որպես «պարսկական» մզկիթ։ Սա կրկին անգամ ցույց է տալիս, որ Հայաստանը օկուպացված տարածքներում զբաղված է բարբարոսությամբ, ադրբեջանական ժողովրդին պատկանող մշակութային ժառանգության ոչնչացմամբ և երկրի երեսից դրա հետքերի ջնջմամբ։ Վերին Գյովհարաղա մզկիթը, որպես «պարսկական» հայտարարելով, Հայաստանը խեղաթյուրում է պատմությունը, փորձում է վերագրել այն։ Դա նույնպես կրկին անգամ ցույց է տալիս, որ Հայաստանը հանդիսանում է կարծեցյալ տոլերանտ երկիր»,- ասվում է հայտարարությունում։

ARMENIA.AZ