Ալի Ահմեդով. Պետք է ստեղծել «Ղարաբաղը Ադրբեջան է» շարժում

09 0Հոկտեմբերի 2019 - 16:18

Փոխվարչապետ, իշխող «Ենի Ազերբայջան» կուսակցության (ԵԱԿ) փոխնախագահ և գործադիր քարտուղար Ալի Ահմեդովն առաջարկել է ստեղծել «Ղարաբաղը Ադրբեջան է» շարժում:

Այս մասին նա գրել է ֆեյսբուքյան իր էջում, հայտնում է Armenia.Az-ը:

Ալի Ահմեդովը նշել է, որ նախագահ Իլհամ Ալիևի՝ «Ղարաբաղը Ադրբեջան է» մեսիջը, որը հնչեցվել է «Վալդայ» ակումբում, արմատապես փոխեց օրակարգը:

Ահմեդովի խոսքով, վերջին տարիներին հայրենասիրությունը հասել է ամենաբարձր մակարդակի. «Մարդկանց՝ վճռականության և Գերագույն հրամանատարի գլխավորությամբ հակամարտության արդարացի լուծման, հողերի անվերապահ վերադարձման նկատմամբ հավատը, զգալիորեն աճել է: Նախագահի՝ «Ղարաբաղը Ադրբեջան է» կոչը, դառնում է մեր ժամանակների ազգային գաղափարի կարգավիճակ: Ակնառու կերպով երևում է, թե ինչպես են հարյուր հազարավոր քաղաքացիները, աջակցով այս կոչին, համախմբվում նրա շուրջ: Ես կասկած չունեմ, որ շուտով այս շարքերում մարդկանց թիվը կհասնի միլիոնների: Ադրբեջանի տարածքային ամբողջականության ապահովումը, օկուպացիայից հողերից ազատագրումը՝ երկրի քաղաքացիներին միավորող հիմնական արժեքներից մեկն է: Այս հիմքի վրա զգալի չափով ձևավորվել են ազգային միասնությունն ու քաղաքացիական համերաշխությունը»: «Վալդայ» ֆորումում հայտարարելով՝ «Ղարաբաղը Ադրբեջան է, բացականչական նշան», նախագահ Իլհամ Ալիևը բարձրացրեց՝ հիշյալ արժեքի ազգային կարգավիճակը:

Մենք դա կարող ենք հաստատապես բնութագրել որպես ազգային գաղափար: Հավանաբար սա կլինի ամենաապահով քայլը և գնահատականը: Պետք է հատուկ նշել, որ «Ղարաբաղը Ադրբեջան է» մեսիջը, այսպես ասած, ուղղված է միջազգային լսարանին, համաշխարհային հանրությանը և կազմակերպություններին: Ոչ հայտնի հակամարտությունը, ոչ էլ այն հետևանքները, որոնք մինչ օրս չեն լուծվել, և ոչ էլ կարգավորման գործընթացը չի փոխում, չի կարող և չի փոխի Ղարաբաղի պատկանելիությունը: Հատկապես դրանում է նախագահի ուղերձի էությունը, որը նա փոխանցեց աշխարհին: Ոչ ոք չի կասկածում, որ պետության ղեկավարի՝ բազմաթիվ պետությունների ղեկավարների, միջազգային քաղաքական փորձագետների առջև ունեցած ելույթի հետևում կանգնած է հզոր ուժ: Նախ և առաջ, այդ ուժը ժողովրդի կամքն է, Ադրբեջանի Զինված ուժերի մարտունակությունը, ամեն գնով այդ հողերը օկուպացիայից ազատելու վճռականությունը: Այս ուժը նաև բխում է միջազգային իրավունքի հավատից՝ նրա արդարացի էությամբ: Ինչպես երևում է մամուլից, նախագահ Իլհամ Ալիևի մեսիջը պատշաճ մակարդակով հասել է անհրաժեշտ բոլոր հասցեներին: Առաջին հերթին, դա լսվեց Հայաստանում, և, ըստ երևույթին, անհրաժեշտ հետևություններ արեցին»:

ԵԱԿ-ի փոխնախագահը ընդգծել է, որ «Ղարաբաղը Ադրբեջան է» կոչը բարձրացրեց ազգային ոգին և կամքը:

ARMENIA.AZ