Ռուսաստանցի քաղաքագետ. Մոսկվան՝ հակառակ Երևանի դժգոհության, կշարունակի Բաքվի հետ ռազմատեխնիկական համագործակցությունը

07 0Հոկտեմբերի 2019 - 10:01

Սոչիում, «Վալդայ»-ի ֆորումում՝ Ռուսաստանի նախագահ Վլադիմիր Պուտինը և Ադրբեջանի նախագահ Իլհամ Ալիևը հաստատել են իրենց երկրների մտադրությունը՝ ոչ միայն շարունակել, այլ նաև ամրապնդել ռազմատեխնիկական համագործակցությունը։

Այդ մասին Armenia.Az-ին ասել է՝ ռուսաստանցի հայտնի հեռուստահաղորդավար, քաղաքական փորձագետ Եվգենի Միխայլովը, մեկնաբանելով՝ «Վալդայ» ակումբի ամենամյա նիստի հարթակներում երկու ղեկավարների ոչ վաղուցվա հանդիպումը։

Նրա խոսքով, հակառակ Հայաստանի դժգոհությանը՝ Ադրբեջանի և Ռուսաստանի միջև ռազմատեխնիկական ոլորտում համագործակցությունը առաջիկայում ևս կշարունակվի։

«Ընդ որում, Հայաստանի ղեկավարությունը, ի դեմս վարչապետ Նիկոլ Փաշինյանի՝ ռուսական կողմին խնդրել է էմբարգո հայտարարել Բաքվին նոր սպառազինություն մատակարարելու հետ կապված, սակայն ռուսական կողմը անտեսել է այդ կոչը։ Այն չի լսվել։ Համապատասխանաբար, դա ակնառու կերպով հաստատում է այն փաստը, որ Ադրբեջանը՝ Ռուսաստանի երկար տարիների բարեկամն ու գործընկերն է։ Ադրբեջանը քաղաքական և տնտեսական առումով կայուն երկիր է, ինչը այժմ հազվագյուտ է մեր բուռն փոփոխվող աշխարհում։ Նոր սպառազինությունների մատակարարումները՝ նախ և առաջ քաղաքականություն է, իսկ հետո արդեն գումար, իսկ դա նշանակում է, որ Ռուսաստանը Ադրբեջանի հարցում ավելի վստահ է, քան նրանցում, ովքեր տրամադրում են նրա դեմ»,- հայտարարել է Միխայլովը։

Փորձագետը ենթադրում է, որ Մոսկվայի, և մյուս երկրների հետ համատեղ ռազմաքաղաքական բլոկում Բաքվի անդամակցելու դեպքում, տվյալ փաստը շոկի մեջ կգցի տարածաշրջանի «հնագույն և հպարտ հարևաններին»։

«Երևանը հասկանում է, որ Մոսկվան և Բաքուն որքան մոտիկ լինեն, այնքան շուտ ստիպված կլինի վերադարձնել օկուպացված տարածքները։ Ժամանակը Հայաստանի քաղաքագետների օգտին չի աշխատում, ովքեր գնալով, իրենց ժողովրդին ավելի խորն են հրում անելանիության և թշվառության փակուղի»,- ամփոփել է ռուսաստանցի քաղաքագետը։

ARMENIA.AZ