Իլհամ Ալիև «ՄԱԿ-ի Անվտանգության խորհրդի բանաձևերը ավելի քան 25 տարի մնում են թղթի վրա»

07 0Հոկտեմբերի 2019 - 11:45

Ինչպես արդեն հաղորդվել է, հոկտեմբերի 3-ին՝ Ադրբեջանի Հանարապետության նախագահ Իլհամ Ալիևը Սոչի այցի շրջանակներում՝ «Վալդայ» ակումբի նիստի նախօրեին հարցազրույց է տվել «Ռոսսիա» և «Պերվի» հեռուստաալիքներին։

Armenia.Az-ը ընթերցողների ուշադրությանն է ներկայացնում՝ պետության ղեկավարի «Պերվի» հեռուստաալիքին տված հարցազրույցը.

—Բարև Ձեզ։ Առաջին ալիք։ Ես, ի դեպ ավարտել եմ Մոսկվայի միջազգային հարաբերությունների պետական ինստիտուտը (ՄՄՀՊԻ)։ Մենք այսօր ինչ որ իմաստով Ձեզ հետ ենք....

—Ո՞ր թվականին։

—1998 թվականին։ Միջազգային ժուռնալիստիկայի ֆակուլտետը։ Մեր առաջին հարցը այն միջոցառումների մասին է, որոնք անցկացվում են այսօր և այստեղ, այսինքն Վալդայի հետ կապված։ Թեման «Արևելքի արշալույս»-ն է ։ Այսինքն Արևելքի կազմավորումը, արևելյան ուղղության ամրապնդումը։ Այդ գործընթացում ինչպիսի՞ դեր են խաղում Ադրբեջանը, Ռուսաստանը և ռուս-ադրբեջանական հարաբերությունները։

—Ադրբեջանը աշխարհագրակա առումով տեղակայված է Արևելքի և Արևմուտքի միջև։ Հետևաբար մենք մասնակցում ենք, ինչպես Արևելքի երկրները միավորող միջազգային կազմակերպություններին, այնպես էլ, օրինակ, այնպիսի կազմակերպություններին, ինչպես Եվրոպայի Խորհուրդը։ Աշխարհագրությունը բնական է, ազդել և ազդում է աշխարհաքաղաքականության վրա։ Այսօր Ադրբեջանը օգտագործում է իր աշխարհագրական դիրքը, և ես համարում եմ, որ կարողացել է հասնել նրան, որ և՛ հումանիտար ոլորտում, և՛ տրանսպորտային ոլորտում, և՛ մյուս բոլոր ոլորտներում մենք այսօր որոշակի դեր ենք խաղում Արևելքի և Արևմուտքի միջև երկխոսության ստեղծման մեջ։

Ռուսաստանը աշխարհի խոշորագույն երկիրն է, և դրա համար, անշուշտ, Ռուսաստանի դերը շատ մեծ է ոչ միայն արևելյան մայր ցամաքի գործերում, այնպես էլ գլոբալ աշխարհում: Այն աճում է, Ռուսաստանի և՛ ներուժը, և՛ հզորությունը ավելանում է։

Ինչ վերաբերում է մեր երկկողմ հարաբերություններին, ապա դրանք շատ դրական են, ունեն շատ լավ դինամիկա, ընդգրկում են գործնականորեն կյանքի բոլոր ոլորտները և շատ վստահելի են։ Անցած տարի նախագահ Վլադիմիր Պուտինի հետ իմ չորս, այս տարվա երկու հանդիպումները, շատ լուրջ ազդակ են հաղորդում երկկողմ փոխգործունեությանը և շատ դրական են ազդում մեր տարածաշրջանում իրավիճակի վրա։

—Աշխարհակարգ, հայացք Արևելքից։ Եթե նայենք Արևելքից, ինչպիսի՞ սկզբունքների վրա պետք է կառուցվի աշխարհակարգը։

—Իմ կարծիքով, որ կողմից էլ մենք նայենք, գլխավոր սկզբունքը պետք է լինի միջազգային իրավունքի նորմերի ու սկզբունքների պահպանումը։ Ցավոք, դրանք կոպտորեն խախտվում են և առկա է այդ սկզբունքների նկատմամբ ընտրովի մոտեցում։Ադրբեջանը, որպես երկիր, որը տուժել է միջազգային իրավունքի սկզբունքների խախտումից, ներառյալ Հայաստանի կողմից մեր տարածքների օկուպացիայի հետ կապված, անշուշտ, բոլոր միջազգային հարթակներում պաշտպանում է միջազգային իրավունքի առաջնահերթությունը։ ՄԱԿ-ի Անվտանգության խորհուրդը որոշ դեպքերում բանաձևերը կատարում է օրերի ընթացքում, իսկ մեր դեպքում դրանք ավելի քան 25 տարի մնում են թղթի վրա։ Դրանով հանդերձ, այդ համաշխարհային կառույցը որոշակի աստիճանով վարկաբեկվում է։ Ուստի կարծում եմ, որ միջազգային իրավունքի առաջնահերթությունը պետք է լինի աշխարհակարգի գլխավոր գործոնը։ Սակայն իրողությունները այնպիսին են, որ դա տեղի չի ունենում։ Այնպիսի երկրից, ինչպիսին Ադրբեջանն է՝ քիչ բան է կախված գլոբալ համաշխարհային գործերի հետ կապված։ Հետևաբար, աշխարհի առաջատար երկրները, իմ կարծիքով, նրանց վրա է դրվում հիմնական պատասխանատվությունը և խնդիրը նրա համար, որպեսզի պահապանվեն աշխարհակարգի սկզբունքները։

— Այժմ կցանկանայի մի երկու հարց տալ ՄՄՀՊԻ-ի վերաբերյալ։ Ինչպի՞սի հիշողություններ են մնացել Ձեզ մոտ ինստիտուտից։

—Ամենաբարի հիշողություններ։ Իմ կյանքի տասնհինգ տարիները կապված են ինստիտուտի հետ։ Ուսումը, ասպիրատուրան, աշխատանքը, շատ ընկերներ, ծանոթներ, և անշուշտ այդ տարիները ինձ համար և՛ հասունության, և՛ գիտելիքների ձեռք բերման պլանում եղել են շատ կարևոր։ Ես մշտական կապ եմ պահպանում ղեկավարության հետ, եղել եմ ՄՄՀՊԻ-ի շրջանավարտների առաջին ֆորումի նախաձեռնող, որը մի քանի տարի առաջ անցկացվել է Բաքվում և այժմ արդեն վերածվել է մշտապես գործող հարթակի։ Ես մասնակցել եմ ՄՄՀՊԻ-ի 60-ամյակին նվիրված տոնական միջոցառումներին, և նույնպես 75-ամյակի նախօրեին իմ բոլոր ընկերներին, համակուրսեցիներին, դասախոսներին շնորհավորում եմ այդ փառավոր հոբելյանի առթիվ։

—Իսկ Դուք ի՞նչ կարող եք ասել, ՄՄՀՊԻ-ն ի՞նչ դեր է խաղացել Ձեր կյանքում։ Եթե լիներ ուրիշ բուհ, ապա ամեն ինչ այլ կերպ կդասավորվե՞ր։

—Ես չգիտեմ, դժվար է ասել, թե ինչ կլիներ։ Սակայն, անշուշտ ՄՄՀՊԻ-ն շատ կարևոր դեր է խաղացել։ Որովհետև այն գիտելիքները, որոնք ես ստացել եմ այնտեղ, իրականում ինձ շատ են օգնել հետագա աշխատանքում։ Ինստիտուտից հեռանալուց հետո,, ես չեմ զբաղվել այսպես ասած, ըստ մասնագիտությամբ աշխատանքով։ Սակայն արդեն, որպես նախագահ, այդ գիտելիքները, հմտությունները, որոնք ես ստացել եմ ՄՄՀՊԻ-ում շատ օգտակար էին ինձ համար, ներառյալ օտար լեզուների իմացությունը։

—Շատ շնորհակալություն։

ARMENIA.AZ