Ռուսաստանցի փորձագետ. Բաքուն պետք է ավելի շատ նախաձեռնություններ դրսևորի Ղարաբաղի վերաբերյալ բանակցություններում

02 0Հոկտեմբերի 2019 - 09:18

Ադրբեջանի և Ռուսաստանի նախագահներ՝ Իլհամ Ալիևի և Վլադիմիր Պուտինի հանդիպմանը քննարկվող հիմնական թեմաներից մեկը կդառնա տնտեսական համագործակցության զարգացումը, որը կանցկացվի հոկտեմբերի 3-ին Սոչիում՝ «Վալդայ» ակումբի նիստի շրջանակներում հանդիպման ժամանակ։

Այդ մասին Armenia.Az-ին հայտարարել է՝ Ռուսաստանի Գ. Վ. Պլեխանովի անվան տնտեսական համալսարանի քաղաքագիտության և սոցիոլոգիայի ամբիոնի դոցենտ, «Ռուսաստանի սպաներ» հասարակական կազմակերպության փորձագիտական խորհրդի անդամ Ալեքսանդր Փերենջիևը։

«Ադրբեջանի Հանրապետության և Ռուսաստանի Դաշնության ղեկավարները առաջին հերթին կքննարկեն երկողմ տնտեսական հարաբերությունների զարգացումը՝ ներառյալ տարածաշրջանային խոշոր նախագծի՝ «Հյուսիս-Հարավ» տրանսպորտային միջանցքի հետագա իրագործումը։ Բացի այդ, հնարավոր է, կշոշափվեն երկու պետությունների միջև անվտանգության ապահովման ոլորտում, և ամենից առաջ ահաբեկչությանը և ծայրահեղականությանը, «ստվերային» տնտեսությանը, անօրինական միգրացիոն հոսքերին և թմրանյութերի շրջանառությանը հակազդելու ոլորտում փոխազդեցության հարցերը»,- նշել է փորձագետը։

Նրա խոսքով, նախագահները կարծիքներ կփոխանակեն նաև հայ-ադրբեջանական հակամարտության խաղաղ կարգավորման բանակցային գործընթացում ստեղծված իրավիճակի շուրջ։

«Ներկա ժամանակ պաշտոնական Մոսկվան և Բաքուն վճռականություն են ցուցաբերում՝ հետագայում ևս զարգացնել համագործակցությունը բոլոր ոլորտներում, ներառյալ ռազմատեխնիկական համագործակցությունը։ Դրանով հանդերձ, երկու պետությունների բարձրագույն պաշտոնատար անձանց միջև առկա են ամենաջերմ հարաբերություններ։ Եվ դա վերաբերում է ոչ միայն Վլադիմիր Պուտինին և Իլհամ Ալիևին, այլ նաև երկու երկրների պաշտպանության նախարարներ՝ Սերգեյ Շոյգուին և Զաքիր Հասանովին»,- ասել է Ա. Փերենջիևը։

Նա վսահություն է հայտնել, որ նման բարեկամական կապեր կհաստատվեն նաև երկու երկրների մյուս գերատեսչությունների ղեկավարների միջև։

«Համարում եմ, որ մեր երկրների մերձեցումը պետք է հանգի նրան, որ պաշտոնական Մոսկվան և Բաքուն կհամագործակցեն ոչ միայն երկկողմ հարաբերությունների շրջանակներում, այլ նաև, որպես որևէ բարեկամական դաշինքի անդամ պետություններ։ Իսկ թե ինչպիսի դաշինքի շրջանակներում կսկսեն համագործակցել Ռուսաստանը և Ադրբեջանը, հնարավոր է, մենք կիմանանք Սոչիում Պուտինի և Ալիևի հանդիպման արդյունքներով»,- ընդգծել է փորձագետը։

Նա մեկնաբանել է նաև՝ Եվրասիական տնտեսական միության գերագույն խորհրդի նստաշրջանին Վ. Պուտինի մասնակցությունը, որը կկայանա հոկտեմբերի 1-ին Երևանում։

«Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի Երևանում կայանալիք հանդիպմանը, ռուս-հայկական հարաբերությունների կարգավորման նպատակով կքննարկվեն խնդրահարույց և կոնֆլիկտային հարցերը։ Կարծում եմ, որ խնդիրները հիմնականում վերաբերում են երկու երկրների տնտեսական և մշակութային փոխգործունեության ոլորտում ֆինանսական միջոցների տեղաբաշխմանը։ Ըստ էության, այդ նպատակներով է Եվրասիական տնտեսական միության գերագույն խորհրդի նիստը անցկացվում հենց Երևանում։ Եվ հատկապես այդ պատճառով է այդ խորհրդաժողովին է մեկնում «անձամբ» Վլադիմիր Պուտինը»,- ասել է Ա. Փերենջիևը։

Նրա խոսքով, Վ. Պուտինը և Ն. Փաշինյանը հետագայում ևս կհանդիպեն երկկողմ և բազմակողմ ձևաչափերում, ինչը «կբերի ռուս-հայկական երկկողմ համագործակցության մասին նոր պայմանագրի ստորագրմանը»։

Խոսելով հայ-ադրբեջանական հակամարտության կարգավորման բանակցային գործընթացի ընթացքի մասին՝ փորձագետը ընդգծել է, որ Բաքուն պետք է ավելի շատ նախաձեռնություններ դրսևորի բանակցային գործընթացում, «քանզի Երևանին լիովին ձեռնատու է ստեղծված ստատուս-քվոն»։

ARMENIA.AZ