Ադրբեջանի ԱԳՆ-ը՝ Ղարաբաղում առաջիկա «ընտրությունների» մասին. «Ղարաբաղը Ադրբեջանի անբաժանելի մասն է»

06 Սեպտեմբերի 2019 - 16:45

Ադրբեջանի ԱԳՆ մամուլի քարտուղար Լեյլա Աբդուլաևան իր վերաբերմունքն է հայտնել՝ Ադրբեջանի օկուպացված տարածքներում այսպես կոչված տեղական ինքնակառավարման մարմինների «ընտրություններ» անցկացնելու վերաբերյալ:

Ինչպես տեղեկացնում է Аrmenia.Az-ը, Լեյլա Աբդուլաևան հայտարարել է, որ իրոք, հայկական ԶԼՄ-ների հաղորդագրության համաձայն՝ Հայաստանի կողմից օկուպացված մեր երկրի տարածքներում նախատեսվում է՝ ինչ որ «ընտրությունների» քողի ներքո ներկայացվող հերթական շոուի անցկացումը:

«Սակայն առկա են բոլորին քաջ հայտնի իրողություններ. անկախ նրանից, թե որ «ընտրությունների» մասին էլ, որ նրանք փորձեն խոսել՝ ռազմական ագրեսիայի, օկուպացիայի, համատարած էթնիկ զտումների և այլ ապօրինի գործողությունների պայմաններում, ոչ առաջիկայում պատրաստվող ներկայացումը, ոչ էլ դրա արդյունքները չեն ճանաչվելու և չեն ճանաչվի միջազգային հանրության կողմից: Սա լիովին վերաբերում է նաև Հայաստանի կողմից՝ մեր երկրի օկուպացված հողերում ստեղծված մարիոնետային վարչակարգին:

Ես հիշեցնում եմ, որ միջազգային հանրությունը, ներառյալ ԵԱՀԿ Մինսկի խմբի համանախագահ երկրները, միանշանակ նշում են՝ մինչ օրս անցկացված բոլոր կեղծ «ընտրությունների» և դրանց արդյունքների չճանաչումը: Գոյություն ունի միայն մեկ ճշմարտություն՝ հայկական սփյուռքի և լոբբիստական շրջանակների աջակցությամբ տարբեր արտասահմանյան երկրներում անցկացվող միջոցառումներում Հայաստանի կողմից՝ Լեռնային Ղարաբաղի տարածաշրջանում ստեղծած մարիոնետային վարչակարգը քարոզելու փորձերի, ինչպես նաև ապօրինի այցերի կազմակերպման և այլ սադրիչ բնույթի գործողությունների հետ կապված, և դա անփոփոխ է: Ես կոնկրետ օրինակներով կներկայացնեմ, թե ինչից է բաղկացած այս ճշմարտությունը:

Օրինակ՝ Ավստրալիայի հետ վերջերս տեղի ունեցած դեպքը, որտեղ կազմակերպվել էր ապօրինի ռեժիմի ներկայացուցիչների այցը, և նրանք փորձեցին այն ներկայացնել գրեթե որպես նրա «ճանաչում»: Ավստրալիայի դաշնային կառավարության կողմից Ադրբեջանի տարածքային ամբողջականությանն աջակցությունը իհարկե հայտնի է: Դրա հետ մեկտեղ, հայկական կողմի վերջին սադրանքների ֆոնին, Ավստրալիայի ԱԳՆ-ը իր պաշտոնական կայքում վերահաստատել է Ադրբեջանի տարածքային ամբողջականությանն աջակցելու և Լեռնային Ղարաբաղը որպես «անկախ պետություն» չճանաչելու մասին:

Մեկ այլ օրինակ՝ Գերմանիայի ԱԳՆ-ը պատասխանելով հայկական մամուլում շրջանառվող տեղեկություններին այն մասին, թե Գերմանիայում անցկացվող դաշնային հողերի ընտրություններում իբր ապօրինի վարչակարգը ներկայացվել է որպես դիտորդ, հայտարարել է մեր երկրի դեսպանատանը. ԶԼՄ-ների զրպարտիչ տվյալները անհիմն են, ընդգծելով, որ Գերմանիան չի ճանաչում ոչ Լեռնային Ղարաբաղը, ոչ էլ այնտեղ անցկացվող «ընտրությունները»:

Ես կարող եմ այսպիսի շատ այլ օրինակներ բերել: Մի խոսքով, ճշմարտությունը կայանում է նրանում, որ Լեռնային Ղարաբաղը Ադրբեջանի անբաժանելի մասն է, և դա արտացոլված է բոլոր միջազգային փաստաթղթերում», - նշեց Լ. Աբդուլաևան:

Հարկ է նշել, որ հայկական ԶԼՄ-ներում տեղեկություններ են տարածվել այն մասին, որ այս տարվա սեպտեմբերի 8-ին Ադրբեջանի օկուպացված տարածքներում կանցկացվեն այսպես կոչված, «տեղական ինքնակառավարման մարմինների ընտրություններ»:

ARMENIA.AZ