Ադրբեջանական համայնք. Օկուպացիայի արդյունքներն ամրապնդելուն ուղղված Հայաստանի ցանկացած քայլ հակասում է միջազգային իրավունքին

03 Սեպտեմբերի 2019 - 12:22

Ադրբեջանի Լեռնային Ղարաբաղի մարզի ադրբեջանական համայնքը հայտարարություն է տարածել Ադրբեջանի օկուպացված հողերում ստեղծված հանցավոր ռեժիմի «անկախության օրվա» կապակցությամբ, տեղեկացնում է Аrmenia.Az-ը:

«Հայկական մամուլում շրջանառվող լուրերի համաձայն, սեպտեմբերի 2-ին հանցավոր ռեժիմը «անկախության օրը» նշելու պատրվակով անցկացրել է սադրիչ բնույթ կրող հերթական «միջոցառումը», ինչը մեկ անգամ ևս հաստատում է, որ ագրեսոր Հայաստանը և նրա ստեղծած հանցավոր ռեժիմը շահագրգռված չեն հակամարտության խաղաղ կարգավորմամբ և ամեն մի հնարավորություն օգտագործում են բանակցությունները ձախողելու համար:

Ադրբեջանի Լեռնային Ղարաբաղի մարզի ադրբեջանական համայնքը հայտարարում է, որ հորինված «անկախությունը», որը ձեռք է բերվել էթնիկական մաքրման քաղաքականության և Լեռնային Ղարաբաղից ու օկուպացված այլ տարածքներից վտարված հարյուր հազարավոր ադրբեջանցիների արյան հաշվին, ապագա չի խոստանում», - ասված է ադրբեջանական համայնքի հայտարարության մեջ:

Լեռնային Ղարաբաղի ադրբեջանական համայնքը նշում է, որ միջազգային հանրությանը լավ հայտնի են Ադրբեջանի արդարացի և կառուցողական դիրքորոշումը, ինչպես նաև ագրեսոր Հայաստանի ձեռնարկած քայլերը:

«Հայաստանը և հանցավոր խունտայի ռեժիմը պետք է գնահատեն իրավիճակը և ճիշտ հետևություն անեն, հասկանան, որ պատասխանատվություն են կրում չմտածված քայլերի համար: Օկուպացիայի արդյունքներն ամրապնդելուն ուղղված Հայաստանի ցանկացած քայլ հակասում է միջազգային իրավունքին: Ադրբեջանի միջազգայնորեն ճանաչված սահմանների վերականգնումից և հարյուր հազարավոր ադրբեջանցիների իրենց հարազատ վայրեր վերադարձից հետո կարելի է քննարկել երկու համայնքների խաղաղ գոյատևման հարցը»:

ARMENIA.AZ