Իլհամ Ալիևը շնորհավորել է շեյխուլիսլամ Ալլահշուքյուր Փաշազադեին՝ ծննդյան օրվա կապակցությամբ

26 Օգոստոսի 2019 - 12:18

Երկուշաբթի Ադրբեջանի նախագահ Իլհամ Ալիևը շնորհավորել է շեյխուլիսլամ Ալլահշուքյուր Փաշազադեին՝ ծննդյան օրվա կապակցությամբ, հայտնում է Аrmenia.Az-ը:

Շնորհավորանքում ասում է. «Մեր ժողովրդի ապրած ճակատագրական իրադարձությունների ժամանակ Դուք, որպես կրոնական առաջնորդ և որպես հասարակական գործիչ, ցուցաբերել եք բարձր հայրենասիրություն և իրական քաղաքացիական դիրքորոշում: Ձեզ են պատկանում՝ Ադրբեջանի իրողությունները, մասնավորապես, հայ-ադրբեջանական հակամարտության հետ կապված մեր արդար դիրքորոշումը համաշխարհային հանրությանը հասցնելու հարցում արդյունավետ ավանդը:

Ձեր ողջ կյանքի ընթացքում, Դուք համառորեն աշխատել եք հասարակության մեջ բարձր բարոյական արժեքներն ու ազգային համաձայնությունը հաստատելու ճանապարհին, հաջող գործողություն եք իրականացրել՝ ուղղված մեր ժողովրդի հոգևոր հարստության պահպանմանը: Շեյխուլիսլամի գործունեության ընթացքում, Դուք նախաձեռնել եք մի շարք նորամուծություններ: Մասնավորապես, Ձեր անվան հետ է կապված մեր սուրբ գրքի՝ Ղուրանի թարգմանության և հրատարակման կազմակերպումը, Աշուրայի արարողությունների ժամանակ արյան հանձնման ակցիաները, մեր երկրում միասնության աղոթքի ավանդույթների վերածնունդը: Անհերքելի է նաև՝ Ադրբեջանում օրինակելի պետական-կրոնական հարաբերությունների ձևավորման գործում Ձեր ներդրումը:

Որպես տարբեր հավատքի կրոնական առաջնորդների շրջանում մեծ հեղինակություն վայելող անձ, Դուք ներկայացված եք բազմաթիվ միջազգային կրոնական կառույցների և կենտրոնների ղեկավարության մեջ, նշանակալից ավանդ եք ներդնում միջքաղաքակրթական և միջմշակութային երկխոսության խորացման գործում», - ասվում է պետության ղեկավարի շնորհավորանքում:

Երկուշաբթի Ադրբեջանի նախագահ Իլհամ Ալիևը հրամանագիր է ստորագրել՝ պետական-կրոնական հարաբերությունների ձևավորման, ազգային ներդաշնակության և հոգևոր-բարոյական արժեքների հաստատման գործում առանձնահատուկ արժանիքների համար շեյխուլիսլամ Ալլահշուքյուր Փաշազադեին՝ «Հեյդար Ալիև» շքանշանով պարգևատրելու մասին:

ARMENIA.AZ