Ադրբեջանի «ուղեղային կենտրոնի» ղեկավարը դիմակազերծ է արել Հայաստանին

23 Օգոստոսի 2019 - 15:40

«ՄԱԿ-ում Հայաստանի մշտական ներկայացուցչության կողմից՝ ի լրացումն այսպես կոչված «ԼՂՀ» կառավարության զեկույցին՝ ՄԱԿ-ում տարածած նամակի կապակցությամբ պետք է նշել հետևյալը. ՄԱԿ-ի Կանոնադրության և կազմակերպության համապատասխան ընթացակարգային կանոնների համաձայն՝ կազմակերպության յուրաքանչյուր անդամ իրավունք ունի փաստաթղթեր տարածել, նպատակ ունենալով՝ մյուս անդամ պետությունների և կազմակերպության քարտուղարության ուշադրությանը հասցնել՝ անդամ պետությունների կառավարության տեսակետից միջազգային հանրությանը հետաքրքրություն ներկայացնող տեղեկատվություններ: ՄԱԿ-ի Անդամ պետությունների մշտական ներկայացուցչությունների անունից հաղորդակցությունները պարունակում են զանազան խնդիրներ՝ կապված միջազգային խաղաղության և անվտանգության, առևտրի, զարգացման, մշակույթի և այլնի հետ: Նամակի բովանդակությունը գտնվում է կազմակերպության անդամ պետության իրավասության ներքո: Եղել են դեպքեր, երբ մշտական ներկայացուցչությունները տարածել են նույնիսկ բանաստեղծություններ, որպես ՄԱԿ-ի փաստաթուղթ»:

Ինչպես հայտնում է Armenia.Az-ը, այս մասին հայտարարել է՝ Միջազգային հարաբերությունների վերլուծության կենտրոնի նախագահ Ֆարիդ Շաֆիևը:

«Ցավոք, հազվադեպ չեն այն դեպքերը, երբ որոշ անդամ պետությունները չարաշահում են այդ իրավունքը և տարածում են փաստաթղթեր, որոնք հակասում են ՄԱԿ-ի կանոնադրությանը: Մասնավորապես, առաջին անգամ չէ, որ Հայաստանն իր անունից «ԼՂՀ» նամակներ է ուղարկում: Ամեն դեպքում, նամակի հեղինակը համարվում է կազմակերպության պաշտոնական անդամ, այսինքն՝ տվյալ դեպքում Հայաստանը: Հայկական ԶԼՄ-ներում շրջանառվող տեղեկատվությունը այն մասին, որ այսպես կոչված «ԼՂՀ» փաստաթուղթը տարածվել է, որպես ՄԱԿ-ի փաստաթուղթ, ճիշտ չէ: ՄԱԿ-ը չի ճանաչում «ԼՂՀ»-ը, և կազմակերպության քարտուղարությունը՝ կանոնների, համաձայն ՄԱԿ-ում տարածել է Հայաստանի մշտական ներկայացուցչության նամակը: Այսպիսին է նրա պաշտոնական կարգավիճակը:

Ինչ վերաբերում է նամակի բովանդակությանը, ահա կարճ մեկնաբանություն: Ի՞նչ կայուն զարգացման, ժողովրդավարության կամ հումանիտար նպատակների մասին կարելի է խոսել օկուպացված տարածքների մասին, որտեղ Հայաստանը իրականացրել է բնիկ ադրբեջանցի բնակչության էթնիկ զտումներ և շարունակում է խախտել Անվտանգության խորհրդի և ՄԱԿ-ի Կանոնադրության համապատասխան բանաձևերը»:

Ֆ.Շաֆիևի խոսքով, Ադրբեջանն իր հերթին, նույնպես պատրաստվում է տարածել համապատասխան նամակ. «ՄԱԿ-ում Հայաստանի մշտական ներակայացուցչության այս սադրանքն ևս մեկ անգամ ևս բացահայտ ցույց է տալիս, թե ով է իրականում հանդիսանում միջազգայնորեն ճանաչված ադրբեջանական տարածքներն օկուպացնողը»:

ARMENIA.AZ