Բաքվեցի հայ. Ես մեծ հաճույքով կյանքիս մնացած օրերը կապրեի Բաքվում - ՏԵՍԱՆՅՈՒԹ

21 Օգոստոսի 2019 - 17:20

Բաքվից մեկնած հայերը երազում են տեսնել այն վայրերը, որտեղ ապրել են: Նրանցից մեկն է Էրիկ Խաչատուրովը: Նա նորից եկել է Բաքու: Սա նրա երրորդ այցն է հայրենիք:

Բաքվում ծնված, սակայն ղարաբաղյան հակամարտության արդյունքում երկիրը լքած, ազգությամբ հայ Էրիկը՝ առաջին անգամ կարողացավ այցելել իր հայրենիք 2017 թվականին՝ «Ադրբեջանի և Հայաստանի միջև խաղաղության հարթակ»-ի կազմակերպության շնորհիվ: Երկրորդ անգամ նա ժամանել է անցյալ տարի՝ հետևելով հայրենի քաղաքի ծանոթ փողոցներում կրկին թափառելու ցանկությանը:

Եվ այժմ նա կրկին Բաքվում է:

Այս անգամ Էրիկը Բաքու է ժամանել ոչ միայնակ, այլ իր որդու հետ, ում նա շատ է ցանկացել ցույց տալ իր հայրենիքը:

«Ես երկար ժամանակ սպասում էի այս իրադարձությանը և այժմ ուրախ եմ, որ ինձ հաջողվեց որդուս ցույց տալ իմ հարազատ Բաքուն», - խոստովանել է Էրիկը Turan լրատվական գործակալությանը տված տեսահարցազրույցում, հայտնում է Аrmenia.Az-ը:

Էրիկ Խաչատուրովն իրեն համարում է Բաքվեցի, նրա պապը 19-րդ դարում եկել է Բաքու աշխատելու, ընդունվել է աշխատանքի նավթային հանքավայրում և մնացել է այստեղ ապրելու: «Եվ մենք ապրում էինք քաղաքի կենտրոնում, ինչպես շատ այլ բաքվեցի հայեր», - նշել է նա:
Էրիկ Խաչատուրովը Բաքվից հեռացել է անցյալ դարի վերջին ՝ ղարաբաղյան հակամարտության բորբոքման ժամանակ: Այն ժամանակ նա 18 տարեկան էր:

«Պատերազմը ողբերգություն է, վիշտ մարդկանց համար: Բազմաթիվ հասարակ հայեր ստիպված էին լքել իրենց տները և մեկնել Բաքվից: Եվ ամեն ինչի մեղավորը՝ «միացում» անվամբ քաղաքականությունն է ու քարոզչությունը: Ես վստահ եմ, որ հասարակ մարդկանց դա պետք չէ: Եվ կարծում եմ, որ այժմ Ղարաբաղում կան շատ մարդիկ, ովքեր մտածում են այնպես, ինչպես ես», - ասում է նա:

Բաքվում Էրիկ Խաչատուրովը որդու հետ միասին այցելել է Շեհիդների ծառուղի:

Բաքվեցի հայը համոզված է, որ այսօր Բաքվում նրա կյանքին ոչինչ չի սպառնում. «Այստեղ բացարձակապես անվտանգ է, ոչ ես, ոչ էլ իմ որդին ոչ մի բանից վախ չունենք»:

«Բաքու կատարած յուրաքանչյուր այցի ընթացքում ինձ համակում են ջերմ զգացմունքներ, այն սկսվում է օդանավակայանում վայրէջքի պահից: Զգացումները հնարավոր չէ արտահայտել բառերով. Պարզապես ուրախության զգացում է, որ կարող եմ կրկին կարող եմ գտնվել հայրենի հողի վրա:

Եթե հնարավոր լիներ, ես մեծ հաճույքով կվերադառնայի այստեղ և կյանքիս մնացած օրերը կապրեի հայրենիքում», - խոստովանել է Էրիկ Խաչատուրովը:

ARMENIA.AZ