Ադրբեջանցի գնդապետ. «Երբ մենք գրավեցինք հայերի նախկին պահակակետը, այնտեղից դուրս եկան ռուսաստանցի սահմանապահներ» - ՀԱՐՑԱԶՐՈՒՅՑ

20 Օգոստոսի 2019 - 15:08

Ադրբեջանցի սահմանապահները Հայաստանի հետ սահմանին գրավել են մի շարք ռազմավարական բարձունքներ։

Այդ մասին օրերս հայտարարել է՝ Պետական սահմանապահ ծառայության (ՊՍԾ) ապարատի ղեկավար, գեներալ-մայոր Էլչին Իբրահիմովը։

Ադրբեջանցի սահմանապահների տեղաշարժերի մասին իր կարծիքով կիսվելու խնդրանքով մենք դիմեցինք՝ հայտնի ռազմական վերլուծաբան, պահեստի գնդապետ Շաիր Ռամալդանովին, տեղեկացնում է Armenia.Az-ը։

—Ինչու՞ ՊՍԾ ստորաբաժանումները սահմանի հատկապես այդ մասերում ամրապնդումներ անցկացրին։

—Անցկացվել են՝ սահմանապահ ծառայության, տեղանքի գնահատման, առավել վտանգավոր տեղամասերի որոշման հետ կապված անհրաժեշտ օպերատիվ միջոցառումներ։

Հետագա գնդակոցծւմները կանխելու և հակառակորդի կրակակետերի չեզոքացման համար՝ այս, կամ այն ուղղությամբ մի շարք սահմանապահ պահակակետերի տեղափոխման անհրաժեշտություն կար։

Սահմանապահ ծառայության առջև դրված խնդիրները կատարվել են։ Այդ ուղղությամբ անվտանգության հարցը լուծվել է, վերահսկողության տակ են վերցվել մի շարք բնակավայրեր և ճանապարհներ։ Այդ աշխատանքը կատարվել է պրոֆեսիոնալ կերպով։

Անձնակազմի շրջանում կորուստները կանխելու նպատակով անցկացվել էր նախապատրաստական մեծ աշխատանք։

—Հայկական կողմը՝ իբր Ադրբեջանի հետ սահմանին Հայաստանի ԶՈՒ-ի դիրքերի տեղաշարժի մասին լուրեր է տարածել։ Հայաստանի ՊՆ մամուլի քարտուղար Արծրուն Հովաննիսյանը հայտարարել է, որ «հայկական դիրքերի բարելավման գործընթացը կրում է պարբերական բնույթ, դա վերաբերում է նաև Նախչըվանի ուղղությանը»։ Ադրբեջանի Հանրապետության ՊՆ-ում այդ կապակցությամբ հայտարարել են, որ նման արտահայտությունները ծիծաղ են առաջացնում, նշելով, որ հակաառակորդի գործողությունները վերահսկվում են, ինչպես տեսողական, այնպես էլ հսկողության հատուկ տեխնիկական միջոցներով։ Ի՞նչ նպատակով է հայկական կողմը տարածել այդ ապատեղեկատվությունը։

—Հայկական կողմի այդ տեղեկատվությունը հայտնվել է նրանից հետո, երբ ԱՀ սահմանապահ ծառայությունը կատարել է Գազախի ուղղությամբ իր առջև դրված խնդիրները։

Եվ այդ տեղեկատվության միակ նպատակն է՝ հանգստացնել հայ հասարակությանը, հատկապես ներկա ղեկավարության պարագայում՝ հանրապետության ներսում հակասությունների հաշվառմամբ, ինչպես նաև ցույց տալ, որ հայերն իբր որոշ ուղղություններով դիրքերը իրենց վերահսկողության տակ են վերցրել։

Դա բացարձակապես անպատասխանատու հայտարարություն է, որովհետև Նախչըվանի ուղղությամբ ոչ մի փոփոխություն չկա։ Հնարավոր է նրանք իրենց կողմի սահմանին անցկացրել են ինժեներական աշխատանքներ, բայց դա ոչ մի կերպ չի կարելի անվանել առաջընթաց։

—Մենք շատ հաճախ ենք հայկական լրատվամիջոցներում կարդում լուրեր այն մասին, թե ինչպես են ՀՀ ՆԳՆ-ն աշխատակիցներին ներգրավում սահմանի պաշտպանության մեջ։ Արդյոք դա խոսու՞մ է այն մասին, որ նրանք չեն տիրապետում ծառայության լիարժեք կրման համար ներուժին և հնարավորություններին։

—Հայաստանի սահմանապահ ծառայությունը չի համապատասխանում բոլոր պահանջներին։ Հայաստանի Հանրապետության տարածքում գտնվում են Ռուսաստանի ռազմաբազաներ, և հատկապես նրանք են հանդիսանում ՀՀ սահմանների երաշխիքը։

Դրա շնորհիվ հայերը հատուկ ուշադրություն չեն դարձրել սահմանապահ ծառայությանը, նյութական միջոցներ չեն ծախսել։

Հիշում եմ, երբ ես կորպուսի հրամանատար էի, Թովուզի ուղղությամբ գտնվում էր հայկական պահակակետ, որտեղից նրանք կրակ էին բացում։ Դա եղել է 1996 թվականին։ Նրանք գնդակոծեցին հարսանքային շքերթը։ Բնակչությունը մեզ դիմեց անվտանգությունը ապահովելու խնդրանքով։

Անցկացվեցին միջոցառումներ, և երբ մենք գրավեցինք այդ պահակակետը, ապա այն կողմից դուրս եկան ռուսաստանցի սահմանապահներ և հարցրեցին մեր նկատառումների մասին, մենք նրանց բացատրեցինք, որ այս ուղղությամբ բնակչության համար վտանգ կա։

Այսինքն ուզում եմ ասել, որ հայ սահմանապահները ծառայում են սահմանին, բայց պետական սահմանների անվտանգության հետ կապված բոլոր հարցերը հիմնականում Ռուսաստանի բազաների արտոնություն է։

Հայաստանի սահմանապահ ծառայության անձնակազմի թվաքանակը սակավաթիվ է, հետևաբար նրանք երբեմն այս կամ այն ուղղություններով ներգրավում են ՆԳՆ ուժերին:

ARMENIA.AZ