Ռազմական փորձագետ. Երևանը այլևս չի կարողանա Բաքվին մեղադրել Հայաստանի տարածքները գնդակոծելու մեջ

19 Օգոստոսի 2019 - 15:05

Ադրբեջանում իրականացվող լայնածավալ բարեփոխումները ընդգրկում են երկրի կյանքի տարբեր ոլորտները։ Դրանք չեն շրջանցել նաև՝ Ադրբեջանի պետականության և հանրապետության բնակչության անվտանգության ապահովման համար պատասխանատու պետական կառույցները։ Ուրիշ կերպ չի կարելի, որովհետև հարևան Հայաստանը, որի հետ Ադրբեջանը գտնվում է պատերազմի վիճակում, ավելի քան քառորդ դար օկուպացման տակ է պահում Ադրբեջանի 20% տարածքները։

«Այն փաստը, որ այժմ Ադրբեջանի և Հայաստանի միջև սահմանը Բաքվի կողմից վերահսկում են սահմանապահները՝ հակամարտությունը խաղաղ, քաղաքական ճանապարհով լուծելու Ադրբեջանի ղեկավարության նպատակադրվածության ցուցադրումն է»,-հայտարարել է անկախ ռազմական փորձագետ Ալեքսեյ Խլոպոտովը, տեղեկացնում է Armenia.Az-ը՝ վկայակոչելով Oxu.Az-ին։

Նրա խոսքով, չնայած հայկական կողմից պարբերաբար իրականացվող սադրանքներին՝ Ադրբեջանը ցուցադրում է սահմանների ապառազմականացման օրինակ։

«Այժմ Երևանը չի կարողանա միջազգային կազմակերպություններին բողոքել այն առիթով, որ Ադրբեջանի բանակն իբր գնդակոծում է նրանց տարածքները։ Ընդհակառակը, մենք տեսնում ենք, որ առայժմ հատկապես հայկական բանակն է դիպուկահարային կրակոցներ իրականացնում ադրբեջանցի սահմանապահների ուղղությամբ։ Չնայած սահմանապահ ռեժիմի ստեղծման հետ կապված աշխատանքների անցկացման բարձր ռիսկին և վտանգավորությանը՝ նման իրավիճակում սահմանների պահպանմամբ պետք է այնուամենայնիվ զբաղվեն պրոֆեսիոնալ սահմանապահները։ Հնարավորինս չափով դա պետք է նվազեցնի սահմանագծում լարվածությունը։ Իսկ բանակը պետք է զբաղվի իր գործով՝ բարձրացնի մարտական պատրաստվածությունը և սահմանապահների համար ծառայի, որպես հենարան, հուսալի թիկունք»,- ընդգծել է նա։

«Ցավոք, չնայած պետական սահմանների պաշտպանության մեխանիզմների կատարելագործմանը՝ Բաքուն մինչև հիմա չի կարող վերահսկել իր սահմանների՝ ադրբեջանա-իրանական 132 կիլոմետրանոց և Հայաստանի օկուպացման տակ գտնվող ադրբեջանա-հայկական 435 կիլոմետրանոց հատվածները։ Խոսքը գնում է Ադրբեջանի միջազգային մակարդակին ճանաչված սահմանի մասին, որը Երևանում հրաժարվում են ճանաչել։ Տվյալ դեպքում բացարձակապես անհրաժեշտ է ադրբեջանական պատմական հողերի օկուպացիայի դադարեցման և Ադրբեջանի Լեռնային Ղարաբաղի մարզում ստեղծված անջատողական վարչակարգի վերացման հարցում՝ Հայաստանին ստիպելու հետ կապված՝ միջազգային հանրության, ներառյալ Միավորված ազգերի կազմակերպության առավել ակտիվ մասնակցությունը»,- ասել է ռազմական փորձագետը։

Նա նշել է, որ Ադրբեջանի և Ռուսաստանի սահմանապահների միջև կազմավորվել է փոխգործունեության բարձր մակարդակ։

«Կցանկանայի հավելել, որ Ռուսաստանը և Ադրբեջանը այսօր հանդիսանում են ռազմավարական գործընկերներ։ Վստահության և փոխգործունեության բարձր մակարդակ կա նաև երկու երկրների սահմանապահ գերատեսչությունների միջև։ Այսօր, Ադրբեջանի պետական սահմանապահ ծառայության հարյուրամյա հոբելյանի օրը՝ նրանց կցանկանայի շնորհավորել ձեր քաջարի սահմանապահներին, մաղթել խաղաղություն և դրա հետ միասին տոկունություն, որպեսզի այդ խաղաղությունը պահպանվի, որքան հնարավոր է երկար»,- ընդգծել է Ա. Խլոպոտովը։

ARMENIA.AZ