Ռուսաստանցի ռազմական փորձագետը՝ Գազախի ուղղությամբ ադրբեջանական ուժերի առաջխաղացման մասին

17 Օգոստոսի 2019 - 12:08

Ինչպես հաղորդվել է ավելի վաղ, Ադրբեջանի Պետական սահմանապահ ծառայությունը հայտարարել է Գազախի շրջանում՝ Հայաստանի հետ սահմանում մեր սահմանապահների կողմից նոր մարտավարական և ռազմավարական դիրքեր ձեռք բերելու և այդ դիրքերում ամրապնդվելու մասին, չնայած հակառակորդի անընդհատ գնդակոծմանը:

Ինչպես տեղեկացնում է Аrmenia.Az-ը, «Կովկասյան հանգույց» պորտալը հետաքրքրվել է ռուսաստանցի ռազմական փորձագետների կարծիքով, կապված՝ Գազախի ուղղությամբ ադրբեջանցի սահմանապահների առաջխաղացման հետ:

Ռուսաստանի սպաների փորձագիտական խորհրդի անդամ, ռազմական քաղաքագետ Ալեքսանդր Փերենչիևը համարում է, որ Ադրբեջանի Զինված ուժերի Գազախի ուղղությամբ առաջխաղացումը քայլ է, որը կանխամտածված է Երևանին՝ Ղարաբաղում առավել իրական բանակցությունների մղելու համար: Նրա խոսքով՝ տարածքային հակամարտության գոտուց դուրս գտնվող տարածքներում սպառնալիքներ ստեղծելով՝ Ադրբեջանը փորձում է գտնել Հայաստանի վրա ճնշում գործադրելու ուղիներ, որպեսզի նա զիջումների գնա:

Սակայն երևում է, ռուսաստանցի ռազմական փորձագետը չգիտի, որ հայկական բանակը դեռևս օկուպացման տակ է պահում ադրբեջանական տարածքները՝ այս ուղղությամբ ևս, մինչ այսօր Գազախի շրջանի վեց գյուղեր դեռ գտնվում են օկուպացման տակ:

Փերենջիևի խոսքով, Երևանի դիրքորոշումը պարզ և հասկանալի է. նա չի պատրաստվում զիջել Լեռնային Ղարաբաղը և չի գնա փոխզիջման: «Այս կապակցությամբ, Բաքուն ցույց է տալիս, որ Ադրբեջանը ի վիճակի է վերադարձնել իր տարածքները», - ասել է Փերենջիևը:

Նա նշել է նաև, որ Գազախի ուղղությամբ իրադարձությունները կավելացնեն լարվածությունը, բայց չեն հանգեցնի էսկալացիայի:

ARMENIA.AZ