Ադրբեջանցի փորձագետ. Հայաստանում գաղափարախոսական և բարոյական անկայունությունը վարակել է բանակը

14 Օգոստոսի 2019 - 11:32

Հայակական բանակում տեղի ունեցող իրադարձությունների, այսինքն դասալքման, «դեդովշինայի», կամայականության, ինքնասպանությունների, զինվորականների սպանությունների, սպաների կողմից զինվորների հալածանքների և անարգանքի դեպքերի գլխավոր պատճառը կայանում է՝ Հայաստանում տեղի ունեցող գործընթացներում։

Այդ մասին Armenia.Az-ին ասել է ռազմական փորձագետ Ռամիլ Մամեդլին։

Նրա խոսքով, հայկական բանակը հանդիսանում է հայ հասարակության հայելին.

«Կարելի է ասել, որ մենք ամեն օր տեղեկություններ ենք ստանում՝ հայկական բանակի զորամասերում տարբեր հանցագործությունների, ինքնասպանությունների, կամայականության, սպանությունների, դասալքումների մասին։

Այն որ անցյալ օրը հայ զինվորը սպիտակ դրոշով հանձնվել է ադրբեջանական զինվորականներին՝ կապված է նրա զորամասում իրավիճակի հետ։ Իրավիճակն այնքան անտանելի է, որ հայ զինվորը լքել է իր բանակը, համածառայակիցներին, ազգին և անցել է հակառակորդի կողմը։

Անկախ նրանից, թե հայկական կողմը ինչպես է ներկայացրել դա ՝ իրականությունը այնպիսին է, որ Հայաստանում ծագել է լուրջ գաղափարախոսական և բարոյական անկայունություն, այդ անկայունությունը վարակել է նաև բանակը։ Տվյալ պահին բանակը չի կարող լուծել իր խնդիրները»։

Ռազմական փորձագետի կարծիքով, չնայած հայկական բանակի կանոնադրությանը՝ բարձրագույն զինվորական պաշտոնյաների և կրտսեր սպայական կազմի միջև կա մեծ տարբերություն։

«Այսինքն մեծ ճեղքվածք գոյություն ունի հայկական բանակի գեներալիտետի և անձնակազմի հետ անմիջապես շփվող սպայական կազմի միջև։ Այդ ճեղքվածքի պատճառը կայանում է նրանում, որ այդ սպաները անմարդկային վերաբերմւնք են ցուցաբերում զինվորների նկատմամբ՝ նրանց խնդիրներով զբաղվելու փոխարեն, նրանք իրենց նպատակներին հասնելու համար բարոյական և ֆիզիկական ճնշում են գործադրում նրանց վրա:

Այս ամենը հիմք է տալիս ասելու, որ արդեն ուշ է ինչ որ բան անել Հայաստանի ղեկավարության և հասարակության խնդիրների լուծման համար։ Որովհետև լարվածությունն աճում է, բանակում իրադարձությունները կապված են հատկապես այդ լարվածության հետ»։

Նշենք, որ օգոստոսի 12-ի առավոտյան, Ադրբեջանի ԶՈՒ ստորաբաժանումների կողմից կալանավորվել է՝ հայկական բանակի զինծառայող, դասալիք և Ֆիզուլիի ուղղությամբ Ադրբեջանի կողմն անցած Արո Հայկի Ղազարյանը։

ARMENIA.AZ