Բաքուն մտադիր է Երևանից փոխհատուցում պահանջել՝ Ղարաբաղում ապօրինի գործողությունների համար

10 Օգոստոսի 2019 - 09:53

Ադրբեջանի օկուպացված տարածքներին հասցված վնասը կհաշվարկվի միջազգային մեխանիզմի միջոցով, Հայաստանը կփոխհատուցի վնասը և իրավաբանական պատասխանատվություն կրի անօրինական գործողությունների համար, հայտնում է Ադրբեջանի արտաքին գործերի նախարարությունը:

Հայաստանը պետք է հասկանա, որ ադրբեջանական տարածքների օկուպացումը ժամանակավոր է, և այդ հողերը կվերադարձվեն Ադրբեջանի վերահսկողությանը, նշում է ԱԳՆ-ն:

«Ընթացիկ տարվա հունվար-հուլիսին «Azersky» արբանյակի միջոցով Ադրբեջանի օկուպացված տարածքներում անցկացված մոնիտորինգի արդյունքում պարզվել է, որ Հայաստանի անօրինական գործունեության արդյունքում Շուշա քաղաքի մոտակայքում՝ Իսաբուլաղի տարածքում հատվել է 0,46 հա անտառ: Բացի այդ, արբանյակային պատկերների միջոցով արձանագրվել է նոր շինությունների պլանավորման աշխատանքների շարունակումը», - նշվում է ԱԳՆ-ի և «Azerkosmos», ԲԲԸ-ի համատեղ հայտարարության մեջ, տեղեկացնում է Аrmenia.Az-ը:

«Ինչպես հայտնի է, Ադրբեջանի տարածքներում Հայաստանի անօրինական գործունեության և բնապահպանական ահաբեկչության արդյունքում անտառային հողերը քայքայվում են արագացված տեմպերով, դրանց տեղում ստեղծվում է նոր ենթակառուցվածք և իրականացվում է բնական պաշարների ապօրինի շահագործում», - նշվում է հայտարարության մեջ:

Փաստաթղթում նաև ընդգծվում է, որ «Azersky» արբանյակի միջոցով ձեռք բերված պատկերներում որոշվել է, որ օկուպացված Քելբեջերի շրջանի տարածքում ոսկու հանքավայրերի ապօրինի շահագործման հետ մեկտեղ, երկրաբանահետախուզական աշխատանքներ են տարվում Թերթերի շրջանի «Դեմիրլի« հանքավայրի 740 հա տարածքում, և բացահայտվել են նոր ենթակառուցվածքի տարրեր (ճանապարհ, շենք, տեղակայում):

ARMENIA.AZ