Ռուսաստանի ԱԳՆ. Ղարաբաղի կարգավիճակը պետք է որոշվի Բաքվի և Երևանի միջև բանակցությունների միջոցով

09 Օգոստոսի 2019 - 17:13

Ռուսաստանը, որպես ԵԱՀԿ Մինսկի խմբի համանախագահ, նպատակ ունի օժանդակել ղարաբաղյան հակամարտության կողմերին ՝ խաղաղ գործընթացն առաջ տանելու համար:

Ինչպես հայտնում է Armenia.Az-ը, այս մասին ճեպազրույցում ասել է՝ Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան:

«Մենք գոհունակությամբ նշում ենք, որ այսօր Ադրբեջանի և Հայաստանի շփման գծում հարաբերական հանգստություն է տիրում: Միևնույն ժամանակ, մենք մտահոգված ենք, որ կողմերը, տարբեր պատրվակներով, շարունակում են փոխադարձ մեղադրանքներ առաջ քաշել», - հայտարարել է Մ.Զախարովան:

Նրա խոսքով, նման հռետորաբանությունը չի համապատասխանում բանակցային գործընթացի համար նպաստավոր պայմաններ ստեղծելու շահերին և, համապատասխանաբար, հակամարտության կարգավորման փոխզիջումային տարբերակների որոնմանը:

«Ռուսաստանը ելնում է նրանից, որ Լեռնային Ղարաբաղի վերջնական կարգավիճակը պետք է որոշվի՝ Ադրբեջանի և Հայաստանի միջև բանակցությունների միջոցով», - ասել է Ռուսաստանի ԱԳՆ ներկայացուցիչը՝ հավելելով, որ պաշտոնական Մոսկվայի դիրքորոշումը որևէ փոփոխության չի ենթարկվել:

«Մեր կողմից, որպես ԵԱՀԿ Մինսկի խմբի համանախագահներից մեկը և հաշվի առնելով Մոսկվայի սերտ հարաբերությունները Բաքվի ու Երևանի հետ, մենք հավատարիմ ենք մնում՝ խաղաղության գործընթացի համակողմանի առաջխաղացմանը աջակցելուն», -ընդգծել է Մ. Զախարովան:

ARMENIA.AZ