Իլհամ Ալիև. Ստատուս քվոյի փոփոխվելը նշանակում է ադրբեջանական տարածքների օկուպացիայից ազատագրման սկիզբը

10 Հուլիս 2019 - 09:25

Ստատուս քվոյի փոփոխվելը նշանակում է ադրբեջանական տարածքների օկուպացիայից ազատագրման սկիզբը:

Այդ մասին՝ Եվրոպական Խորհրդի նախագահ Դոնալդ Տուսկի հետ մամուլի ասուլիսում մասնավորապես ասել է Ադրբեջանի նախագահ Իլհամ Ալիևը, հայտնում է Armenia.Az-ը` վկայակոչելով պետության ղեկավարի մամուլի ծառայությանը:

«Այսօր, դեմառդեմ և պատվիրակությունների մասնակցությամբ հանդիպումների ժամանակ մենք քննարկել ենք՝ երկկողմ համագործակցության լայն շրջանակ, տարածաշրջանային զարգացման և անվտանգության հարցերը: Մենք քննարկել ենք Եվրոպական հանձնաժողովի և Ադրբեջանի միջև շարունակվող բանակցությունները՝ նոր համաձայնագրի շուրջ: Բանակցությունների հեռանկարների հետ կապված կարծիքներ ենք փոխանակել: Բանակցությունները հաջողությամբ շարունակվում են: Շատ հարցեր արդեն լուծում են գտել: Մենք այժմ լավ գործընկերության ոգով աշխատում ենք մյուս հարցերի շուրջ: Անցյալ տարի Եվրահանձնաժողովի և Ադրբեջանի միջև գործընկերային գերակայությունների մասին փաստաթուղթ է ընդունվել: Սա շատ կարևոր փաստաթուղթ է, որտեղ աջակցություն է հայտնվել Ադրբեջանի տարածքային ամբողջականությանը, ինքնիշխանությանն ու սահմանների անձեռնմխելիությանը:

Այսօր, պարոն Նախագահի հետ դեմառդեմ հանդիպման ժամանակ, ես նրան տեղեկացրեցի հայ-ադրբեջանական հակամարտության կարգավորման վերաբերյալ մեր դիրքորոշման մասին: Հակամարտությունը պետք է լուծվի Ադրբեջանի տարածքային ամբողջականության շրջանակներում և ՄԱԿ-ի Անվտանգության Խորհրդի համապատասխան բանաձևերի հիման վրա: Արդեն երկար տարիներ մեր տարածքները գտնվում են հայկական օկուպացիայի տակ: Մեկ միլիոնից ավել փախստականներն ու հարկադիր վերաբնակները տառապում են այս ագրեսիայից և օկուպացիայից: Մեր վճռական դիրքորոշումը կայանում է նրանում, որ հակամարտությունը պետք է լուծվի Ադրբեջանի տարածքային ամբողջականության շրջանակներում:

Մեր ջանքերն ուղղված են հակամարտության շուտափույթ կարգավորմանը: Հիմնական պատճառը, որ այն դեռեւս լուծված չէ, Հայաստանի ոչ կառուցողական դիրքորոշումն է: Ես պետք է նշեմ, որ միջազգային հանրության և ԵԱՀԿ Մինսկի խմբի ջանքերը պետք է ուղղված լինեն հակամարտության շուտափույթ կարգավորմանը: Ստատուս քվոն անթուլատրելի է և պետք է փոխվի: Ստատուս քվոյի փոփոխվելը նշանակում է ադրբեջանական տարածքների օկուպացիայից ազատագրման սկիզբը», - ասել է պետության ղեկավարը:

ARMENIA.AZ