ԱԳՆ. Բաքուն ԵԱՀԿ ՄԽ-ից ակնկալում է՝ ղարաբաղյան հակամարտության կարգավորման հարցում ջանքերի ակտիվացում

14 Հունիսի 2019 - 10:57

Պաշտոնական Բաքուն ԵԱՀԿ Մինսկի խմբից ակնկալում է՝ Ադրբեջանի տարածքային ամբողջականության շրջանակներում ղարաբաղյան հակամարտության կարգավորման վերաբերյալ ջանքերի ակտիվացում: Այդ մասին հայտարարել է Ադրբեջանի փոխարտգործնախարար Ռամիզ Հասանովը:

Ռ. Հասանովը նման կարծիք է հայտնել՝ ադրբեջանա-իսպանական նախարարական խորհրդատվությունների շրջանակներում, տեղեկացնում է Armenia.Az-ը:

Հասանովը իր գործընկերոջը` Իսպանիայի արտաքին գործերի, Եվրամիության և Իսպանիայի համագործակցության հարցերով փոխնախարար Ֆերնանդո Մարտին Վալենսուելա Մարսոին մանրամասն տեղեկացրել է՝ ղարաբաղյան հակամարտության կարգավորման բանակցությունների մասին: Նա ընդգծել է՝ միջազգային իրավունքի նորմերի և սկզբունքների հիման վրա տարածքային ամբողջականության, ինքնիշխանության և Ադրբեջանի միջազգայնորեն ճանաչված սահմանների շրջանակներում՝ հակամարտության խաղաղ կարգավորման համար ԵԱՀԿ Մինսկի խմբի և միջազգային հանրության ջանքերի ակտիվացման անհրաժեշտությունը:

«Հասանովը նշել է, որ Հայաստանի կողմից ցուցաբերված ոչ կառուցողական դիրքորոշումը լուրջ հարված է հասցնում բանակցային գործընթացին», - ասվում է հաղորդագրությունում:

Մարսոն իր հերթին նշել է, որ Մադրիդը հանդիսանում է՝ Ադրբեջանի տարածքային ամբողջականության շրջանակներում ղարաբաղյան հակամարտության խաղաղ կարգավորման կողմնակիցը:

Նա նաև շնորհակալություն է հայտնել Ադրբեջանին` Իսպանիայի տարածքային ամբողջականության հիման վրա Կատալոնիայի հարցի լուծմանը աջակցելու համար:

ARMENIA.AZ