Ադրբեջանի ԱԳՆ ղեկավարը՝ ղարաբաղյան հակամարտության վերաբերյալ բանակցությունների ներկայիս վիճակի մասին

14 Հունիսի 2019 - 10:12

Ադրբեջանի արտաքին գործերի նախարար Էլմար Մամեդյարովն ու Եվրամիության ընդլայնման և հարևանության քաղաքականության հարցերով հանձնակատար Յոհաննես Հանը քննարկել են՝ էներգետիկայի, տրանսպորտի ոլորտներում և Արևելյան գործընկերության շրջանակներում համագործակցության հեռանկարները, ասվում է ԱԳՆ-ի մամուլի ծառայության հաղորդագրությունում:

«Հանդիպման շրջանակներում կողմերը քննարկել են՝ Ադրբեջանի ու Եվրամիության միջև բոլոր ուղղություններով առկա գործընկերային հարաբերությունները, նոր երկկողմ համաձայնագրի շուրջ բանակցությունները, գործընկերության գերակայությունները և էներգետիկայի, տրանսպորտի ոլորտներում և Արևելյան գործընկերության շրջանակներում համագործակցության հեռանկարները», - նշվում է հաղորդագրության մեջ:

Մամեդյարովը Խանին տեղեկացրել է՝ հայ-ադրբեջանական հակամարտության խաղաղ կարգավորման բանակցությունների ներկայիս վիճակի մասին, այդ թվում նաև ԵԱՀԿ Մինսկի խմբի համանախագահների միջնորդությամբ անցկացված՝ Ադրբեջանի և Հայաստանի արտգործնախարարների վերջին հանդիպումները, ինչպես նաև Հայաստանի զինված ուժերի սադրիչ գործողությունները:

«Հանդիպման ընթացքում նշվել է՝ հակամարտության կարգավորման կարևորությունը և երկրների միմյանց նկատմամբ հարգալից վերաբերմունքը՝ միջազգայնորեն ճանաչված սահմանների շրջանակներում՝ տարածաշրջանում կայուն խաղաղության և զարգացման ապահովման համար», - ասվում է տեղեկատվության մեջ:

ARMENIA.AZ