Ադրբեջանի դեսպանը դիմել է Մխիթարյանին

21 Մայիսի 2019 - 16:06

Մեծ Բրիտանիայում Ադրբեջանի դեսպան Թահիր Թաղիզադեն հարցազրույց է՝ տվել Sky Sport News-ին, որտեղ անվտանգության երաշխիք է տվել «Արսենալ»-ի հայ ֆուտբոլիստ Հենրիխ Մխիթարյանին՝ Եվրոպայի Լիգայի եզրափակչի հետ կապված Բաքու այցի ժամանակ։

Հրատարակության հոդվածում ասվում է, որ ղարաբաղյան հակամարտության հետ կապված երկու երկրների միջև բացակայում են դիվանագիտական հարաբերությունները, և այդ ֆոնի վրա հայ ֆուտբոլիստի Բաքու այցը մնում է հարցականի տակ։

«Արսենալ»-ի ղեկավարությունը արդեն կապվել է ՈՒԵՖԱ-ի հետ։ Եվրոպայի բարձրագույն ֆուտբոլային կառույցը՝ մուտքի անցագիր ստանալու հարցում 30-ամյա հայ ֆուտբոլիստին ամեն տեսակի օգնություն ցուցաբերելու պատրաստակամություն է հայտնել։

Պարբերականը հիշեցրել է, որ անցյալ տարվա հոկտեմբերին «Ղարաբաղ»-ի հետ Եվրոպայի Լիգայի խմբային խաղին՝ Մխիթարյանը հրաժարվել է «Արսենալ»-ի կազմում ժամանել Բաքու։

Sky Sports News-ի թղթակիցը Թահիր Թաղիզադեյին հարցրել է, թե նա պատրաստ է արդյոք, անձամբ անվտանգության երաշխիք տալ Մխիթարյանին։ Թաղիզադեն տվել է կարճ ու կոնկրետ պատասխան։

«Դա խոշոր սպորտային մրցում է։ Եթե նրա շուրջ քաղաքական խաղեր են տեղի ունենում, ապա դա այլ բան է։ Բայց դու քաղաքագետ չես, քեզ վճարում են ֆուտբոլի խաղի համար։ Դրա համար էլ եկեք Բաքու, մնացած բոլոր հարցերը մի կողմ դնենք»,- հայտարարել է Ադրբեջանի դեսպանը, տեղեկացնում է Armenia.Az-ը։

Պարբերականը գրում է, որ ԱՖՖԱ-ն լիովին երաշխավորել է Մխիթարյանի անվտանգությունը՝ Բաքվում գտնվելու ժամանակ։

«Մխիթարյանի խնդիրը նրանում է, որ նա առանց մեր երկրի թույլտվության այցելել է Ադրբեջանի օկուպացված տարածքներ։ Դա հանգեցնում է որոշակի հետևանքների, ներառյալ Ադրբեջանի «սև ցուցակում» ներառելը։ Սակայն նա ստանում է անվտանգության բոլոր անհրաժեշտ երաշխիքները։

Իմ ուղերձը Մխիթարյանին. Դուք ֆուտբոլիստ եք, ուզում ե՞ք ֆուտբոլ խաղաղ։ Եկեք Բաքու, Դուք այնտեղ կլինեք լիովին անվտանգության մեջ։ Բայց, եթե Դուք ուրիշ նպատակներ ունեք, ապա՝ դա այլ բան է։ Ես կարող եմ միայն երաշխավորել այն, որ Ադրբեջանը ապահովում է խաղի բոլոր մասնակիցների, յուրաքանչյուր երկրպագույի, խաղացողի և տեխնիկական անձնակազմի աշխատակցի լիովին անվտանգությունը»,- ասել է դեսպանը։

ARMENIA.AZ