Գերմանական BILD. Բաքուն՝ Փարիզի, Մոսկվայի և Դուբայի խառնուրդն է

16 Մայիսի 2019 - 15:48

Գերմանական Bild հրատարակությունը Բաքվում անցկացվելիք՝ ՈՒԵՖԱ-ի Եվրոպայի լիգայի եզրափակիչ խաղի մասին լայնածավալ հոդված է հրապարակել:

Ինչպես հայտնում է Аrmenia.Az-ը, հոդվածում ընդգծվում է, որ Ադրբեջանի մայրաքաղաքը առաջին անգամ հատուկ ուշադրություն է գրավել՝ Բաքվում «Եվրատեսիլ 2012» երգի մրցույթի անցկացման շնորհիվ:

Հոդվածում պատմվում է՝ բազմաթիվ պատմական և ժամանակակից շենքերով, հրապուրիչ Բաքու քաղաքի մասին. «Կովկասի ամենաբնակեցված քաղաքը գտնվում է ծովի ափին, այն անվանվում են նաև «քամիների քաղաք»: Այստեղ են տեղակայված Կույսի աշտարակը, Շիրվանշահերի պալատը, որոնք 2000 թ. ներառվել են ՅՈՒՆԵՍԿՕ-ի համաշխարհային ժառանգության ցանկում: Հետաքրքիր է, որ քաղաքում կան հրեական, քրիստոնեական և իսլամական կրոնական տաճարներ: Բաքուն մի քիչ նման է Փարիզին, Դուբային և Մոսկվային: Այսինքն, Բաքուն իր մեջ միավորում է այս երեք քաղաքների առանձնահատկությունները»:

Հրատարակությունը նաև տեղեկատվություն է տրամադրում Բաքվի օլիմպիական մարզադաշտի մասին և բացատրվում է մարզադաշտ մեկնելու երթուղին:

«Ֆրանկֆուրտից Բաքու ինքնաթիռի տոմսի գինը սկսվում է 130 եվրոյից: Կան ընկերություններ, որոնք առաջարկում են տարբեր փաթեթներ՝ Եվրոպայի լիգայի եզրափակիչի համար, որը ներառում է հյուրանոցում տեղավորում, տեղափոխում մարզադաշտ և շրջագայություն քաղաքում», - ասվում է հոդվածում:

ARMENIA.AZ