ԵՄ դեսպան. Ադրբեջանի հետ կնքվող համաձայնագրերը նոր հնարավորություններ կբացեն

15 Մայիսի 2019 - 10:45

«Բրյուսելում ավարտվել է «Արևելյան գործընկերության» 10-ամյակին նվիրված՝ պետությունների ղեկավարների, արտգործնախարարների, քաղաքացիական հասարակության ներկայացուցիչների և մամուլի մասնակցությամբ միջոցառումների՝ համաժողովների և հանդիպումների երկօրյա մարաթոնը: Բոլոր մասնակիցները նշել են առաջընթաց բազմաթիվ ոլորտներում, որոնք մենք արդեն կարող ենք արտահայտել թվերով»:

Ինչպես հայտնում է Armenia.Az-ը, այս մասին հայտարարել է Ադրբեջանում ԵՄ-ի դեսպան Կեստուտիս Յանկաուսկասը՝ մեկնաբանելով «Արևելյան գործընկերության» 10-ամյակի կապակցությամբ Բրյուսելում անցկացված միջոցառումների արդյունքները:

«Որքան խորն է մեր համագործակցությունը, այնքան ավելի շատ հնարավորություններ և տարածքներ ենք բացում, և դա տրամադրում է հետագա աշխատանքի», - նշել է դեսպանը:

Նրա խոսքով, «Արևելյան գործընկերություն»-ը հնարավորություն է ընձեռում ինչպես երկկողմ, այնպես էլ բազմակողմ համագործակցության համար. «Ինչպես համաժողովի փակմանը հիշեցրել է Եվրահանձնակատար Յոհաննես Հանը, առաջիկա մի քանի տարիների ընթացքում մենք հավանաբար կենտրոնանալու ենք նրա վրա, որպեսզի «Արևելյան գործընկերության» երկրները նույնպես ավելի շատ օգտագործեն միմյանց միջև կապերը, այդ թվում առևտրի և թվային տնտեսության համար: Կան բազմաթիվ հնարավորություններ»:

Կ. Յանկաուսկասը նշել է, որ «Արևելյան գործընկերության» ծրագրի 10-ամյակի կապակցությամբ բարձր մակարդակի համաժողովը հաջող անցավ, երիտասարդների կողմից հետագա համագործակցության վերաբերյալ բազմաթիվ առաջարկություններ հնչեցվեցին: «Իհարկե, կրթությունը մեզ համար կմնա, հավանաբար ամենագլխավոր առաջնահերթությունը», - ընդգծել է դեսպանը:

ARMENIA.AZ