Ադրբեջանի նախագահի աշխատակազմ. Հրադադարի պահպանման ռեժիմը խաղաղություն չէ

13 Մայիսի 2019 - 09:39

«Հայաստանը օկուպացրել է Ադրբեջանի տարածքները: Այդ տարածքներում ավելի քան մեկ միլիոն ադրբեջանցիներ ենթարկվել են էթնիկ զտման, և ավելի քան 25 տարի ստիպված են ապրել փախստականների և հարկադիր վերաբնակների կարգավիճակում: Ադրբեջանի դեմ Հայաստանի ագրեսիան նույնպես ուղեկցվել է քաղաքացիական բնակչության դեմ բազմաթիվ ռազմական հանցագործություններով»:

Այս մասին հայտարարել է Ադրբեջանի նախագահի աշխատակազմի արտաքին քաղաքականության հարցերի բաժնի ղեկավար Հիքմեթ Հաջիևը` մեկնաբանելով հրադադարի պահպանման ռեժիմի 25-րդ տարելիցի կապակցությամբ՝ Հայաստանի վարչապետ Նիկոլ Փաշինյանի հայտարարությունը, հայտնում է Armenia.Az-ը:

«Հրադադարի պահպանման ռեժիմը խաղաղություն չէ: Հայաստանի ղեկավարությունը նաև ընդունում է, որ չնայած նրան, որ անցել է 25 տար, հրադադարի ռեժիմը չի անցել կայուն խաղաղության: Իսկ դրա հիմնական պատճառը հանդիսանում է Հայաստանի ագրեսիվ քաղաքականության շարունակվելը: Բանակցային գործընթացի ձևաչափը չի փոխվել և շարունակվում է կողմերի՝ Հայաստանի և Ադրբեջանի միջև հակամարտությունը:

Եթե հայկական կողմը իրոք ցանկանում է տարածաշրջանում կայուն խաղաղության ապահովումը, ապա նա պետք է կառուցողականորեն մասնակցի բանակցային գործընթացում առկա ձևաչափի հիման վրա՝ ՄԱԿ-ի Անվտանգության խորհրդի բանաձևերի պահանջներին համապատասխան, իր զորքերը դուրս բերի Ադրբեջանի օկուպացված տարածքներից, չխոչընդոտի ադրբեջանցի հարկադիր վերաբնակների իրենց հայրենի հողեր վերադարձին: Միայն դրանից հետո կարող է կայուն խաղաղություն ապահովվել տարածաշրջանում»:

ARMENIA.AZ