Ադրբեջանի փոխվարչապետը դիմել է ԵԱՀԿ Մինսկի խմբին

07 Մայիսի 2019 - 17:21

«Մենք վճռականորեն դատապարտում ենք բոլոր նրանց, ովքեր առանց Ադրբեջանի թույլտվության այցելում են մեր հողեր: Մենք դա գնահատում ենք, որպես Ադրբեջանի պետական սահմանների խախտում և անհարգի վերաբերմունք մեր երկրի տարածքային ամբողջականության հանդեպ»:

Ինչպես հայտնում է Armenia.Az-ը, այդ մասին ասել է՝ Ադրբեջանի փոխվարչապետ, «Ենի Ազերբայջան» կուսակցության փոխնախագահ, գործադիր քարտուղար Ալի Ահմեդովը, մեկնաբանելով՝ Հայաստանի նախկին նախագահ Սերժ Սարգսյանի առաջիկա այցը Լեռնային Ղարաբաղ:

Նրա խոսքով, ԵԱՀԿ-ը չպետք է անտեսի այս հարցը.

«Մենք կոչ ենք անում համաշխարհային հանրությանը և միջազգային կազմակերպություններին, որոնք ներգրավված են ղարաբաղյան հակամարտության կարգավորմանը, ԵԱՀԿ Մինսկի խմբին և նրա պաշտոնատար անձանց, չանտեսել նման դեպքերը և կտրուկ արձագանքել:

Իհարկե, բանակցությունների անցկացման ընթացքում նման այցերը բացասաբար են ազդում ընդհանուր հասկացության վրա և ավելացնում են կողմերի միջև դիմակայությունը, խոչընդոտում են անհրաժեշտ խաղաղասիրական բնույթի համաձայնագրերի ձեռքբերմանը:

Կարծում եմ, դա պայմանավորված է նրանով, որ Ադրբեջանի 20 տոկոս տարածքները օկուպացված են: Մեր երկիրը չի կարողանում վերահսկել այդ տարածքները: Իսկ միջազգային կառույցները պատշաճ կերպով չեն կատարում իրենց պարտականությունները: Այս դեպքում մենք, բնականաբար, ստիպված ենք պետական կառույցներից պահանջել՝ լուրջ միջոցներ ձեռնարկել նման միջադեպերի կանխարգելման համար: Նրանք չպետք է լինեն դիտորդի դերում, այլ պետք է զբաղվեն իրական գործերով», - նշել է Ա.Ահմեդովը

ARMENIA.AZ