Ռուսաստանի և Ադրբեջանի միջև համաձայնություն է ձեռք բերվել՝ բեռնափոխադրումների ավելացման հետ կապված

06 Մայիսի 2019 - 16:40

«Ռուսական երկաթուղիներ» ԲԲԸ-ն և «Ադրբեջանական երկաթուղիներ» ՓԲԸ-ն համագործակցության զարգացման մասին հուշագիր են ստորագրել:

Մայիսի 6-ին Բաքվում փաստաթուղթը ստորագրել են`«Ռուսական երկաթուղիներ» ԲԲԸ-ի գլխավոր տնօրեն, վարչության նախագահ Օլեգ Բելոզյորով և «Ադրբեջանական երկաթուղիներ» ԲԲԸ-ի գլխավոր տնօրեն Ջավիդ Գուրբանովը, տեղեկացնում է Armenia.Az-ը:

«Հուշագիրը ուղղված է՝ Եվրասիական միջազգային տրանսպորտային միջանցքների համակարգված քաղաքականության զարգացման ու շահագործման իրականացմանը, այդ թվում արտաքին տնտեսական կապերի ընդլայնման և տարանցիկ ու արտահանման և ներմուծման համար օպտիմալ տրանսպորտային պայմանների ապահովման նպատակով», - նշվում է հաղորդագրության մեջ:

Կողմերը մտադիր են զարգացնել համապարփակ համագործակցություն երկաթուղային ոլորտում, ներառյալ ազգային երկաթուղային ընկերությունների տրանսպորտային և տարանցման ներուժը, մասնավորապես, իրականացնել համատեղ գործողություններ, որոնք կնպաստեն՝ Հյուսիս-Հարավ միջազգային տրանսպորտային միջանցքի արևմտյան երթուղով Իրան-Ադրբեջան-Ռուսաստան-Եվրոպա երթուղիներով բեռնափոխադրումների ծավալների աճին և Ռուսաստան - Ադրբեջան - Թուրքիա երթուղով` օգտագործելով Բաքու - Թբիլիսի - Կարս երկաթգծի ենթակառուցվածքը:

Բացի այդ, «Ադրբեջանական երկաթուղիներ» և «Ռուսական երկաթուղիներ» ընկերությունները համաձայնվել են համատեղ լրացուցիչ ապրանքներ ներգրավել՝ «Հյուսիս-հարավ» միջանցքի արևմտյան երթևեկության և այլ երթուղիների կոնտեյներային գնացքների համար:

ARMENIA.AZ