Իլհամ Ալիև. Ադրբեջանի տարածքային ամբողջականությունը պետք է վերականգնվի - ԼՈՒՍԱՆԿԱՐ

03 Մայիսի 2019 - 09:41

Ադրբեջանի նախագահ Իլհամ Ալիևը ափսոսանքով նշում է՝ ՄԱԿ-ի Անվտանգության խորհրդի որոշումների իրականացման մեխանիզմի բացակայությունը, այդ թվում` հայ-ադրբեջանական հակամարտության կարգավորման վերաբերյալ:

«ՄԱԿ-ի Անվտանգության Խորհուրդը՝ մեր օկուպացված տարածքներից Հայաստանի զինված ուժերի անհապաղ ու անվերապահ դուրս բերումը պահանջող չորս բանաձև է ընդունել: Այդ որոշումները մնացել են թղթի վրա: Դա վկայում է այն մասին, որ ՄԱԿ-ի Անվտանգության Խորհրդի բանաձևերը երկար տարիների ընթացքում չեն կատարվում: Դրանց իրականացման մեխանիզմ կամ գոյություն չունի կամ էլ չի կիրառվում: Արդյունքում Ադրբեջանի հողերը գտնվում են օկուպացիայի տակ», - ` Բաքվի միջմշակութային երկխոսության V համաշխարհային համաժողովում հայտարարել է՝ Ադրբեջանի նախագահ Իլհամ Ալիևը»,- տեղեկացնում է Аrmenia.Az-ը՝ հղում անելով «Ինտերֆակս Ազերբայջան»-ին:

Իլհամ Ալիևը ընդգծել է նաև, որ Իսլամական համագործակցության կազմակերպությունը, Չմիավորման շարժումը, ԵԱՀԿ-ը, Եվրախորհուրդը և այլ միջազգային կազմակերպությունները բանաձևեր ու որոշումներ են ընդունել Ադրբեջանի տարածքային ամբողջականության վերաբերյալ:

«Ադրբեջանի տարածքային ամբողջականությունը ճանաչում է ողջ աշխարհը: Մեր տարածքային ամբողջականությունը պետք է վերականգվի, իսկ հակամարտությունը պետք է կարգավորվի՝ միջազգային իրավունքի նորմերի, ՄԱԿ-ի կանոնադրության, Անվտանգության խորհրդի համապատասխան որոշումների և Հելսինկյան եզրափակիչ ակտի համապատասխան», - ասել է պետության ղեկավարը:

02-05-2019

17:41:04

Չնայած հայ-ադրբեջանական, ղարաբաղյան հակամարտության առկայությանը՝ Ադրբեջանն արագ տեմպերով զարգանում է:

Այս մասին մայիսի 2-ին Բաքվում անցկացվող Միջմշակութային երկխոսության 5-րդ համաշխարհային ֆորումի շրջանակներում ունեցած իր ելույթում հայտարարել է Ադրբեջանի նախագահ Իլհամ Ալիևը, տեղեկացնում է Аrmenia.Az-ը՝ վկայակոչելով Oxu.Az-ին:

Նա ֆորումի մասնակիցներին տեղեկացրել է ղարաբաղյան հակամարտության մասին:

Երկրի ղեկավարը նշել է, որ Ֆորումին մասնակցում են աշխարհի ավելի քան 100 երկրների ավելի քան 500 ներկայացուցիչներ:

Իլհամ Ալիևն ընդգծել է, որ Ադրբեջանում միշտ տիրել է կրոնական հանդուրժողականություն: Դարեր շարունակ տարբեր ազգերի և կրոնների ներկայացուցիչներն այստեղ ապրել են հաշտ ու համերաշխ:

11:10:04

Ադրբեջանի նախագահ Իլհամ Ալիևը հինգշաբթի Բաքվում մասնակցում է՝ Միջմշակութային երկխոսության V համաշխարհային ֆորումի աշխատանքներին, հայտնում է պետության ղեկավարի կայքը, տեղեկացնում է Armenia.Az-ը:

Ի.Ալիևը ֆորումում հանդես է եկել ելույթով:

Երկօրյա համաժողովի կազմակերպիչն է հանդիսանում Ադրբեջանի կառավարությունը, գործընկերներ՝ ՅՈՒՆԵՍԿՕ-ն, ՄԱԿ-ի քաղաքակրթությունների դաշինքը, Եվրոպայի Խորհրդը, ԻՍԵՍԿՕ-ն և Զբոսաշրջության համաշխարհային կազմակերպությունը:

Միջոցառմանը մասնակցում են ավելի քան 100 երկրների ու միջազգային կազմակերպությունների ներկայացուցիչներ:

ARMENIA.AZ