Կոմերսանտ. Վրաստանի նախագահը ղարաբաղյան հակամարտության հարցում աջակցել է Ադրբեջանին

15 Մարտի 2019 - 16:36

Վրաստանի նախագահ Սալոմե Զուրաբիշվիլին ղարաբաղյան հակամարտության հարցում աջակցել է Ադրբեջանին, հայտնում է Armenia.Az-ը՝ վկայակոչելով Կոմերսանտ օրաթերթին։

Ինչպես գրում է ռուսական հրատարակությունը՝ Վրաստանի նորընտիր նախագահ Սալոմե Զուրաբիշվիլին այցով ժամանել է Հայաստան։ Հայաստանի ղեկավարության հետ նրա բանակցությունների թեմաներից մեկը եղել է տարածաշրջանային հակամարտությունները։ Երևանում փորձել են պարզաբանել, թե Վրաստանի պետության ղեկավարը ինչ է նկատի ունեցել, երբ վերջերս Բաքվում հայտարարել է «Վրաստանի և Ադրբեջանի տարածքների օկուպացիայի» վերաբերյալ։ Արդյունքում Վրաստանի նախագահը ոչ միայն հաստատել է Լեռնային Ղարաբաղի վերաբերյալ իր դրիքորոշումը, այլ նաև մեղադրանքներով է հանդես եկել Հայաստանի ղեկավարության հասցեին։ Սալոմե Զուրաբիշվիլիի կոշտ դիրքորոշումը կարող է վերջ դնել հայ-ադրբեջանական հակամարտության կողմերից հեռահավասար քաղաքականությանը, որին Վրաստանը հետևել է ողջ հետխորհրդային ժամանակաշրջանում։

Վրաստանի նախագահ Սալոմե Զուրաբիշվիլիին Երևանում ընդունած Հայաստանի ղեկավարությանը հատկապես հետաքրքրել է՝ վրացական պետության ղեկավարի Բաքվում հայտարարության վերաբերյալ պարզաբանումները։ Փետրվարի 27-ին Ադրբեջան պաշտոնական այց կատարած տիկին Զուրաբիշվիլին անդրադարձել է Ադրբեջանի և Վրաստանի «տարածքտների օկուպացիային»: Վրաստանի նախագահը, ըստ էության, առաջին անգամ Հայաստանին բացահայտ մեղադրել է Լեռնային Ղարաբաղի և Ադրբեջանի տարածքների մի մասի օկուպացման մեջ։

«Մենք գրեթե միաժամանակ ենք վերականգնել մեր երկրների անկախությունը և կրել ենք միանման ողբերգություններ»,- նշել է Սալոմե Զուրաբիշվիլին՝ դիմելով Ադրբեջանի նախագահ Իլհամ Ալիևին։ Դրանով հանդերձ Վրաստանի պետության նախագահը ճշտել է, որ «միանման ողբերգությունների» ներքո նկատի ունի «տարածքների օկուպացիան»։

«Օկուպացիոն գծերը մեզ համար նույնպես հանդիսանում են չապաքինվող վերք»,- շարունակել է նախագահը և գոհունակություն է հայտնել նրան, որ Վրաստանը և Ադրբեջանը, չնայած օկուպացիային՝ «կարողացել են ամրապնդել իրենց պետականությունը և զարգացնել տնտեսությունը»։

«Ъ»-ի տվյալներով, Երևանում, ներառյալ Հայաստանի նախագահ Արմեն Սարգսյանի և վարչապետ Նիկոլ Փաշինյանի հետ հանդիպումների ընթացքում, Սալոմե Զուրաբիշվիլիի Բաքվում հայտարարության թեման բարձրացվել է տարբեր սրության աստիճանով։ Սակայն Վրաստանի նախագահը նույնիսկ չի էլ մտածել, արդարացնալ, կամ հրաժարվել իր հայտարարությունից։ Ընդհակառահը, նա հանդես է եկել հայկական կողմի դեմ մի շարք պահանջներով:

Մասնավորապես, Հայաստանի Ազգային ժողովի նախագահ Արարատ Միրզոյանի հետ հանդիպմանը Սալոմե Զուրաբիշվիլին զգուշացրել է. իր երկրի համար «շատ կարևոր է» Հայաստանի կողմից Վրաստանի տարածքային ամբողջականության ճանաչումը ոչ միայն խոսքով, այլ նաև գործով։ Պետության ղեկավարը անմիջապես պարզաբանել է, որ նկատի ունի այսպես կոչված «Լեռնային Ղարաբաղի պատվիրակությունների» այցերը Աբխազիա և Հարավային Օսիա։

«Դրանով հանդերձ այցերի կազմակերպիչներն ինքներն են ցուցադրում, որ այդ հակամարտությունները համաչափ են»,-Վրաստանի նախագահը չի թաքցրել իր դժգոհությունը։

«Դա շատ տխուր ու ցավալի է,- նույն ոգով շարունակել է Սալոմե Զուրաբիշվիլին,- Մենք համարում ենք, որ այստեղ (Հայաստանում - «Ъ») չկա այն բարյացակամությունը, որը պետք է լինի մեր երկրի նկատմամբ»։

Թբիլիսիում նախագահ Զուրաբիշվիլիի վերջին հայտարարությունը համարում են աննախադեպ՝ ողջ հետխորհրդային ժամանակահատվածում։

ARMENIA.AZ