Բաքվի շքերթը նշանավորում է Հարավային Կովկասի պատմության նոր գլուխը - Euronews-ի հոդված

11 Նոյեմբերի 2025 - 20:27

Euronews հեռուստաալիքը՝ նոյեմբերի 8-ին Բաքվում կայացած ռազմական շքերթին նվիրված հոդված է հրապարակել։ Հոդվածից մի հատված ներկայացնում ենք Armenia.Az-ի ընթերցողներին։

«Ադրբեջանը նշեց Ղարաբաղի նկատմամբ վերահսկողության վերականգնման հինգերորդ տարեդարձը, որը պատմական պահ էր երկրի և ամբողջ տարածաշրջանի համար, որը ավարտեց տասնամյակների արյունալի հակամարտության ողբերգական գլուխը և խաղաղության նոր գլուխ բացեց։

Ադրբեջանի նախագահ Իլհամ Ալիևը նշել է, որ հաղթանակը ռազմավարական տնտեսական և ռազմական նվաճումների արդյունք էր և հատկապես ընդգծել է Ղարաբաղի շարունակվող վերականգնումը։

Ադրբեջանի ղեկավարը նաև շնորհակալություն է հայտնել իր թուրք գործընկեր Ռեջեփ Թայիբ Էրդողանին և Պակիստանի վարչապետ Մուհամմադ Շահբազ Շարիֆին՝ հակամարտության ընթացքում ցուցաբերած աջակցության համար՝ նշելով, որ պակիստանցի զիծառայողները առաջին անգամ մասնակցեցին շքերթին։ «Սա երեք երկրների՝ Ադրբեջանի, Թուրքիայի և Պակիստանի ժողովուրդների և բանակների միասնության դրսևորում է», - ասել է Ի.Ալիևը։

Թուրքիայի նախագահը հայտարարել է, որ Ղարաբաղում տարած հաղթանակը փոխել է աշխարհաքաղաքական հավասարակշռությունը Ասիայում ու Եվրոպայում և «բացել է մեր տարածաշրջանի համար նոր դարաշրջանի դռները»։

Անցյալ հինգշաբթի Բաքվում ՆԱՏՕ-ի պատվիրակության հետ հանդիպման ժամանակ Ի.Ալիևը հայտարարեց, որ ադրբեջանական բանակը համապատասխանեցվում է ՆԱՏՕ-ի չափանիշներին և այս հարցում սերտորեն համագործակցում է թուրքական զինվորականների հետ։

Դաշինքի հետ Ադրբեջանի համագործակցությունը տարածվում է էներգետիկ անվտանգության և տարածաշրջանային փոխկապակցվածության վրա՝ այդ թվում նաև նրա նախկին մասնակցությունը խաղաղապահ գործողություններին։

Օգոստոսին Ադրբեջանի և Հայաստանի առաջնորդները ստորագրեցին համաձայնագիր (համատեղ հռչակագիր - խմբ.), որի նպատակն էր դադարեցնել երկարատև ղարաբաղյան հակամարտությունը։

Սպիտակ տունը հայտարարեց, որ համաձայնագրի շրջանակներում ԱՄՆ-ն նաև կօգնի կառուցել տարանցիկ միջանցք, որը կկոչվի «Թրամփի երթուղի՝ հանուն միջազգային խաղաղության և բարգավաճման» (TRIPP):

«Երևանի համար այս տրանսպորտային երթուղին հնարավորություն է տալիս ավելի ինտեգրվել ավելի լայն առևտրային ցանցերին, դիվերսիֆիկացնել իր տնտեսությունը և ներգրավել օտարերկրյա ներդրումներ։ Աշխարհաքաղաքական առումով այն նաև կօգնի Հայաստանին կարգավորել հարաբերությունները հարևանների, մասնավորապես՝ Թուրքիայի հետ», - ասվում է հոդվածում։

ARMENIA.AZ