Օվերչուկը՝ Բաքվում եռակողմ հանդիպմանը. Մենք շատ հետաքրքիր աշխատանք ունենք անելու

13 0Հոկտեմբերի 2025 - 16:55

Ռուսաստանը, Ադրբեջանը և Իրանը ակտիվացնում են ջանքերը՝ Բարենցի և Բալթիկ ծովերից մինչև Պարսից ծոց անարգել լոգիստիկայով ընդհանուր ապրանքային շուկա ստեղծելու ուղղությամբ։

Ըստ ՏԱՍՍ-ի, այս մասին հայտարարել է Ռուսաստանի փոխվարչապետ Ալեքսեյ Օվերչուկը՝ Ադրբեջանի, Իրանի և Ռուսաստանի միջև տրանսպորտի, էներգետիկայի և մաքսային ոլորտներում համագործակցությանը նվիրված եռակողմ հանդիպմանը։

«Մենք շատ հետաքրքիր աշխատանք ունենք անելու՝ ուղղված ընդհանուր ապրանքային շուկայի ստեղծմանը՝ անարգել լոգիստիկայով և ներդաշնակեցված կանոններով ու ստանդարտներով։ Ռուսաստանի և Ադրբեջանի, Ռուսաստանի և Իրանի, ինչպես նաև Իրանի և Ադրբեջանի միջև ամուր և դինամիկ զարգացող հարաբերությունները պահանջում են համակարգված ջանքերի ինտենսիվացում՝ տարածաշրջանում տրանսպորտային կապը զարգացնելու և Բարենցի ու Բալթիկ ծովերից մինչև Պարսից ծոց անխափան լոգիստիկա ապահովելու համար», - նշել է նա։

Օվերչուկը ասել է, որ այսպիսով ստեղծվում են լավագույն մրցակցային պայմաններ՝ երեք երկրների ապրանք արտադրողների, արտահանողների և ներմուծողների համար։

«Սա այնպիսի աշխատանք է, որի արդյունքում մեր տնտեսությունները կստանա լրացուցիչ հնարավորություններ՝ ընդլայնվելու, նոր աշխատատեղեր կստեղծվեն, եկամուտները կաճեն և մարդկանց կյանքը կբարելավվի», - հավելել է նա։

ARMENIA.AZ