Բաքուն և Անկարան քննարկել են ռազմական համագործակցությունը

13 Մայիսի 2025 - 17:32

Մայիսի 13-ին Ադրբեջանի Հանրապետության պաշտպանության նախարար Զաքիր Հասանովը հանդիպել է՝ պաշտոնական այցով մեր երկրում գտնվող Թուրքիայի Հանրապետության ազգային պաշտպանության նախարար Յաշար Գյուլերի գլխավորած պատվիրակության հետ:

Այս մասին Armenia.Az-ին հայտնել են Ադրբեջանի Պաշտպանության նախարարությունում։

Այցի ընթացքում թուրքական պատվիրակությունը այցելել է՝ Պատվո ծառուղում գտնվող Համազգային առաջնորդ Հեյդար Ալիևի և ականավոր ակնաբույժ, ակադեմիկոս Զարիֆա Ալիևայի գերեզմաններ, ինչպես նաև Շեհիդների ծառուղի և թուրք ազատամարտիկների հիշատակին նվիրված հուշահամալիր, ծաղկեպսակներ ու ծաղիկներ են դրվել, հարգանքի տուրք է մատուցվել նրանց պայծառ հիշատակին։

«Զյեֆեր» զբոսայգի ժամանած Թուրքիայի ազգային պաշտպանության նախարարը ծաղկեպսակ է դրել՝ Հաղթանակի պատվին կանգնեցված հուշարձանի մոտ։

Պաշտպանության նախարարության կողմից կազմակերպված պաշտոնական դիմավորման արարողության ժամանակ, պատվո պահակախմբի առջևով անցնելուց հետո, կատարվել են երկու երկրների օրհներգերը, և, արարողակարգի համաձայն՝ հիշատակի գրառում է կատարվել «Պատվավոր հյուրերի գրքում»։

Պաշտպանության նախարարությունում կայացած հանդիպմանը՝ Ադրբեջանի պաշտպանության նախարարը ողջունել է իր գործընկերոջը և գոհունակություն հայտնել նրան մեր երկրում տեսնելու համար։ Զ. Հասանովը դրական է գնահատել՝ պաշտպանության և անվտանգության ոլորտում համագործակցության ներկա վիճակը և զարգացումը ադրբեջանա-թուրքական ռազմավարական գործընկերության շրջանակներում։

Գոհունակություն հայտնելով Ադրբեջան կատարած այցի կապակցությամբ՝ Յ. Գյուլերը շնորհակալություն է հայտնել ջերմ ընդունելության և հյուրընկալության համար։ Հյուրը նշել է՝ փոխադարձ այցելությունների և նմանատիպ հանդիպումների կարևորությունը երկկողմ ռազմական համագործակցության ամրապնդման համար։

ARMENIA.AZ