Ռաֆիև. Մենք COP29-ի նետ կապված մեծ և հավակնոտ օրակարգ ունենք

31 0Հոկտեմբերի 2024 - 14:02

Կլիմայի փոփոխության մասին ՄԱԿ-ի շրջանակային կոնվենցիայի (COP29) Կողմերի համաժողովի 29-րդ նստաշրջանը, որը տեղի կունենա նոյեմբերի 11-22-ը Բաքվում, հնարավորություն կտա նոր որոշումներ ընդունել կլիմայի ֆինանսավորման վերաբերյալ։ Այս մասին ասել է ԱԳ փոխնախարար, COP29-ի գլխավոր բանակցող Յալչին Ռաֆիևը՝ Բաքվում տնտեսության նախարարության և Ադրբեջանում ՄԱԿ-ի ներկայացուցչության կողմից կազմակերպված՝ «Ապագայի ձայները. կլիմայական գործողությունների համակարգումը և գլոբալ նպատակներին ուղղված ջանքերը» թեմայով կայուն զարգացման նպատակների շուրջ երկխոսության ժամանակ:

Ռաֆիևն ասել է, որ չնայած կարճ ժամկետին, Ադրբեջանը մեծ աշխատանք է կատարել՝ COP29 կլիմայական համաժողովին նախապատրաստվելու համար։

«Մենք ունենք մեծ և հավակնոտ օրակարգ COP29-ի հետ կապված: Ի տարբերություն նախորդ տարիներին այս միջոցառումն անցկացնող երկրների, մենք շատ քիչ ժամանակ ունեինք։ Սակայն ստանձնած պարտավորությունների և դրանց նկատմամբ նվիրվածության, ամենաբարձր մակարդակով քաղաքական աջակցության շնորհիվ, մենք զարգացրել ենք համապատասխան ներուժ և կարողացել ենք ապահովել ՄԱԿ-ի անդամների միջև հաջող գործընթացի ստեղծումը, ինչի ականատեսը կլինենք մոտ ապագայում։ Կասկած չկա, որ կայուն զարգացման նպատակներն ու կլիմայական գործողությունները փոխկապակցված են»,- հավելել է փոխնախարարը։

ARMENIA.AZ