18 Օգոստոսի 2022 - 11:28

Օգոստոսի 17-ին Բաքվի «Կանաչ թատրոնի» համերգային դահլիճում տեղի է ունեցել Հեյդար Ալիևի Հիմնադրամի կողմից կազմակերպված հիշատակի երեկո՝ նվիրված աշխարհահռչակ օպերային և էստրադային երգիչ, երգահան, ԽՍՀՄ և Ադրբեջանի ժողովրդական արտիստ Մուսլիմ Մագոմաևի 80-ամյակին։

Ելույթ ունենալով հիշատակի երեկոյին՝ նախագահ Իլհամ Ալիևն ասել է.

-Այսօր անմոռանալի օր է։ Այսօր առավոտյան մեր քաղաքի ամենագեղեցիկ վայրերից մեկում՝ բուլվարում, մենք բացեցինք սիրելի Մուսլիմի հուշարձանը։ Պետք է ասեմ նաև, որ մինչ այժմ բուլվարում ոչ մի հուշարձան չի եղել։ Առաջին հուշարձանը կանգնեցվել է Մուսլիմի պատվին, և դա բնական է, քանի որ բուլվարը մեր քաղաքի սիրտն է։ Այն Մուսլիմի ամենասիրելի վայրերից մեկն էր։ Այսօր այս հուշարձանը ևս մեկ անգամ վկայում է, թե ինչպես էր ադրբեջանական ժողովուրդը սիրում Մուսլիմին և որքան էր նա արժանի այդ սիրուն։

Ցանկանում եմ շնորհակալություն հայտնել այսօրվա համերգի բոլոր մասնակիցներին։ Այսօր առավոտից մենք նշում ենք Մուսլիմի օրը։ Քաղաքի ամենագեղեցիկ վայրում՝ Ծովափնյա բուլվարում, բոլորիս կողմից սիրված Կասպից ծովի ֆոնին, որը նա երգել է իր «Կապույտ հավերժություն» անմոռանալի երգում, կանգնած է Մուսլիմի շքեղ հուշարձանը՝ մարմնավորելով նրա գեղեցկությունը, տաղանդը, նրա հպարտ տեսքը, արժանապատվությունը: Այսօր, երբ մենք բացեցինք հուշարձանը, ասացի, որ «Մնաս բարով, Բաքու» երգը, որն այժմ հնչել է, նա գրել է իր մահից քիչ առաջ, առաջին անգամ այն լսեցի Բաքվում Մուսուլիմի հետ հրաժեշտի արարողության ժամանակ, 2013 թ. ֆիլհարմոնիայի շենքում, և շատ ուժեղ ազդեցություն ունեցավ, քանի որ նա հրաժեշտ էր տալիս քաղաքին, հրաժեշտ էր տալիս ընկերներին, հրաժեշտ էր տալիս իր կյանքին: Իսկ թե որքան դժվար էր նրա համար գրել այս երգը և ինչ զգացումներ է ապրել, այս մասին կարելի է միայն ենթադրել։ Եվ իհարկե, խոսելով այս մասին, ես ասացի, որ այս հուշարձանը, որն այստեղ կանգնած է, խոսում է այն մասին, որ Բաքուն երբեք հրաժեշտ չի տվել Մուսլիմին և հրաժեշտ էլ չի տա։ Եվ նա մեզ հետ է:

Ուզում եմ շնորհակալություն հայտնել մեր կատարողներին։ Այսօր ադրբեջանական գեղեցիկ ձայները, վստահ եմ, նվաճել են բոլորիս։ Սա մեր հպարտությունն է։ Սա խոսում այն մասին, որ Մուսլիմի գործը ապրում է, և սերնդեսերունդ մեր ժողովրդի ներկայացուցիչները ստեղծագործական բարձունքների են հասնում: Իսկ մենք՝ ինչպես ողջ կյանքում հպարտացել ենք ու հպարտանում ենք Մուսլիմով, հպարտանում ենք նաև մեր այսօրվա հրաշալի կատարողներով։

17-08

16:45

Օգոստոսի 17-ին Բաքվի ծովափնյա ազգային զբոսայգում կայացել է աշխարհահռչակ երգիչ Մուսլիմ Մագոմաևի հուշարձանի բացումը:

Ինչպես հայտնում է Armenia.Az-ը՝ պետության ղեկավարի կայքին հղումով, բացմանը ներկա են եղել Ադրբեջանի Հանրապետության նախագահ Իլհամ Ալիևը և առաջին տիկին Մեհրիբան Ալիևան։

Միջոցառմանը ելույթ է ունեցել պետության ղեկավարը։

Նախագահ Իլհամ Ալիևի ելույթը.

-Ադրբեջանական ժողովուրդն իրավամբ հպարտանում էր Մուսլիմ Մագոմաևով։ Որովհետև նա և՛ մեծ երգիչ էր, և՛ մեծ երգահան։ Խորհրդային բեմում նա իրեն հավասարը չուներ, և այսօր Մուսլիմ Մագոմաևի կատարած երգերը բոլորիս մեջ վառ զգացումներ են առաջացնում։ Մեզանից յուրաքանչյուրը Մուսլիմի մասին իր հիշողություններն ունի, այդ թվում՝ ես: Մուսլիմին ու Թամարային ճանաչում եմ դեռահաս տարիքից։ Նրանք շատ սիրելի հյուրեր էին մեր տանը։ Ես շատ հրաշալի հիշողություններ ունեմ։ Իհարկե, ամեն տարի օգոստոսին տանը դիմավորում էինք Մուսլիմին ու Թամարային, մեր տանը նշում էինք Մուսլիմի ծննդյան օրը։

Մուսուլին իր հայրենիքին շատ կապված մարդ էր։ Թեև Մուսլիմը իր գործունեության մեծ մասն անցկացրել է հյուրախաղերով Մոսկվայում և Խորհրդային Միության այլ քաղաքներում, սակայն տարին մի քանի անգամ նա գալիս էր Բաքու, համերգներ տալիս, նաև այստեղ շփվում իր ընկերների հետ։ Մենք բազմաթիվ հանդիպումներ ենք ունեցել թե՛ Մոսկվայում, թե՛ Բաքվում, և շատ ջերմ հարաբերություններ էին կապում մեզ։

Ինչպես գիտեք, Մուսլիմը դեռ 3 տարեկան էլ չի եղել, երբ հայրը հերոսաբար զոհվել է Երկրորդ համաշխարհային պատերազմի վերջին օրերին, և նա մեծացել է հորեղբոր՝ Ջեմալեդդին մուալլիմի ընտանիքում։ Արդեն երիտասարդ տարիքում նա համամիութենական համբավ ձեռք բերեց, և, իհարկե, հայրս՝ Հեյդար Ալիևը նույնպես մեծ ուշադրություն էր դարձնում նրա գործունեությանը, մեծ հոգատարություն ցուցաբերում նրա նկատմամբ։ Կարող եմ ասել, որ հոր պես էր խնամում, քանի որ ճանաչում էր թե՛ որպես գերազանց երգիչ, թե՛ որպես շատ լավ մարդ։ Մեզանից յուրաքանչյուրը Մուսլիմին ճանաչում էր որպես մեծ արտիստի, երգչի, երգահնի , և որ ամենակարևորն է՝ որպես հրաշալի, արժանի անձնավորության, շատ վստահելի ընկերոջ։

Չնայած մեր միջև եղած տարիքային մեծ տարբերությանը, դա երբեք չի զգացվել: Քանի որ մենք երկար տարիներ պահպանել ենք բարեկամական հարաբերություններ, և ես հատկապես հիշում եմ Մեհրիբանի հետ մեր վերջին հանդիպումը նրա հետ՝ Մոսկվայում Մուսլիմի և Թամարայի տանը։ Մուսլիմն արդեն իրեն այնքան էլ լավ չէր զգում, առողջական խնդիրներ կային, բայց, չնայած դրան, նա մեզ շատ ջերմ ընդունեց, մի քանի ժամ անցկացրինք նրանց տանը, շատ անկեղծ զրուցեցինք, վերհիշեցինք անցյալը, հիշեցինք հորս, հանգուցյալ մորս, հիշեցինք այն հրաշալի օրերը, և ես ու Մեհրիբանը խորապես հուզված էինք: Ինչպես գիտեք, Մուսլիմը վերջին տարիներին որոշակի խնդիրներ ուներ ոտքերի հետ կապված։ Բայց այնպիսի անկեղծ մթնոլորտ էր տիրում, որ Մուսլիմը, ով, ինչպես հետո պարզվեց, երկար տարիներ տանից դուրս չէր գալիս, դուրս եկավ ու մեզ ճանապարհեց։ Չէինք էլ կարող մտածել, որ դա մեր վերջին հանդիպումն է։

Թամարան և Մուսլիմը, երկուսն էլ մեծ արտիստներ, համաշխարհային հռչակ վայելող երգիչներ, այնքան կապված էին միմյանց հետ, որ նրանց սիրո և ընկերության պատմությունը դարձավ լեգենդ։ Նրանց ծանոթությունը նույնպես տեղի է ունեցել Բաքվում, և իմ հանգուցյալ հայրս միշտ հիշում էր այդ օրերը»:

ARMENIA.AZ