Ալիևը Մակրոնին: «Հայաստանի կողմից հերթական ռազմական սադրանքն է իրականացվել»

05 Օգոստոսի 2022 - 10:08

Ֆրանսիայի նախագահ Էմանուել Մակրոնը զանգահարել է Ադրբեջանի նախագահ Իլհամ Ալիևին։

Armenia.Az-ի փոխանցմամբ՝ տեղեկությունը տարածել է Ադրբեջանի նախագահի մամուլի ծառայությունը։

Հեռախոսազրույցի ընթացքում Էմանուել Մակրոնը մտահոգություն է հայտնել՝ վերջին օրերին տարածաշրջանում տիրող լարվածության կապակցությամբ և նշել Հայաստանի և Ադրբեջանի միջև բանակցությունների շարունակման և 2020 թվականի նոյեմբերի 10-ի եռակողմ հայտարարության դրույթների կատարման կարևորությունը։ Նա հայտնել է Ֆրանսիայի պատրաստակամությունը՝ աջակցելու երկու երկրների միջև երկխոսության շարունակմանը։

Նախագահ Իլհամ Ալիևն ընդգծել է, որ հերթական ռազմական սադրանքն է իրականացվել Հայաստանի կողմից, և այդ սադրանքի արդյունքում, որը տեղի է ունեցել Ադրբեջանի տարածքում, որտեղ ժամանակավորապես տեղակայված են ռուս խաղաղապահ ուժերը, ադրբեջանցի զինծառայող է զոհվել։ Պետության ղեկավարը նշել է, որ Ադրբեջանի զինված ուժերը կանխել են այս սադրանքը, ձեռնարկել են անհրաժեշտ պատասխան միջոցներ՝ հայտարարելով, որ կատարվածի համար աողջ պատասխանատվությունը ընկնում է Հայաստաննի վրա

Նախագահ Իլհամ Ալիևը նշել է, որ անհրաժեշտ է ապահովել Հայաստանի զինված ուժերի և անօրինական հայկական զորամասերի դուրսբերումը երկրի տարածքից, որոնք շարունակում են գտնվել Ադրբեջանի Ղարաբաղի տարածաշրջանում։ Բայց Հայաստանի կողմից դա դեռ ապահովված չէ, ինչն իր հերթին հանդիսանում է պաշտոնական Երևանի կողմից 2020 թվականի նոյեմբերի 10-ի հայտարարության դրույթների խախտում և Հայաստանի կողմից ստանձնած պարտավորությունները չկատարելը։

Պետության ղեկավարն ընդգծել է, որ ՌԴ պաշտպանության նախարարության հետ ձեռք բերված եռակողմ հայտարարության արդյունքների դրույթների համաձայն՝ որոշվել է Լաչինի միջանցքին այլընտրանքային նոր ճանապարհի երթուղին, և Ադրբեջանի կողմից այդ ճանապարհի կառուցումը մոտենում է ավարտին: Այդ աշխատանքների ավարտից հետո, 2020 թվականի նոյեմբերի 10-ի եռակողմ հայտարարության համաձայն, նախատեսվում է ռուսական խաղաղապահ ուժերի վերաբաշխում նշված ճանապարհով։

Հեռախոսազրույցի ընթացքում մտքերի փոխանակություն է տեղի ունեցել փոխադարձ հետաքրքրություն ներկայացնող այլ հարցերի շուրջ։

ARMENIA.AZ