Ընդունվել է ԻԿԿ առաքելության զեկույցը ազատագրված տարածքների վերաբերյալ

26 Նոյեմբերի 2021 - 09:40

Իսլամական համագործակցության կազմակերպության մարդու իրավունքների անկախ մշտական հանձնաժողովի անդամ, օմբուդսմենի գրասենյակի ղեկավար Այդըն Սաֆիխանլըն Ջիդդայում մասնակցել է հանձնաժողովի 18-րդ նիստին։

Ինչպես Armenia.Az-ին հայտնել են օմբուդսմենի գրասենյակից, նիստի շրջանակներում քննարկվել են՝ ԻԿԿ երկրներում ՄԱԿ-ի Կայուն զարգացման նպատակների իրականացման ոլորտում ներկա իրավիճակը, մարդու իրավունքների պաշտպանության ոլորտում դրական փորձը և հանձնաժողովի մանդատի շրջանակներում իրականացված՝ գնահատման առաքելությունների արդյունքների մասին պատրաստված զեկույցները:

Նշենք, որ ԻՀԿ պատվիրակությունը՝ Ադրբեջանի Մարդու իրավունքների հանձնակատար (օմբուդսմեն) Սաբինա Ալիևայի հրավերով՝ 2021 թվականի սեպտեմբերի 22-26-ը այց է կատարել Ադրբեջան։ Այցի նպատակն էր՝ գնահատման առաքելություն իրականացնել օկուպացիայից ազատագրված, ինչպես նաև մարտական գոտուց հեռու և հայկական զինուժի հրթիռակոծության հետևանքով ավերված տարածքներում։ Այցի արդյունքներով պատրաստվել է հատուկ զեկույց, որն ընդգրկվել է Ջիդդայի 18-րդ նիստի օրակարգում։ Զեկույցում արտացոլված են բազմաթիվ փաստեր՝ կապված Ադրբեջանի օկուպացված և հարձակման ենթարկված այլ տարածքներում ռազմական հանցագործությունների, մարդու իրավունքների և ազատությունների կոպիտ խախտումների, ազգային-մշակութային, ճարտարապետական, պատմական և կրոնական հուշարձանների, այդ թվում՝ մզկիթների ոչնչացման, կողոպուտի և պղծման հետ։ Հայաստանի հանցավոր արարքները գնահատվել են որպես մարդու միջազգային իրավունքների և միջազգային մարդասիրական իրավունքի նորմերի խախտում։

ARMENIA.AZ