Բարդա քաղաքի բնակչի համար, ում տունը ավերվել է Հայրենական պատերազմի ժամանակ հրթիռից, նոր տուն է կառուցվել. ՏԵՍԱՆՅՈՒԹ

26 0Հոկտեմբերի 2021 - 11:37

Նախագահ Իլհամ Ալիևի 2020 թվականի նոյեմբերի 6-ի հրամանի համաձայն՝ ռազմական գործողությունների ընթացքում պատճառված վնասը գնահատելու և վերացնելու համար ստեղծված Պետական հանձնաժողովի անդամները՝ գնահատել են Բարդայում հրթիռային հարվածից տուժած անձանց տներն ու օբյեկտները։ Դրանք ներկայումս վերակառուցվում են։ Վերակառուցվել է նաև Հայրենական պատերազմի ժամանակ հայկական հրթիռի հարվածից ավերված՝ Բարդայի շրջանի Զումուրխան գյուղի բնակիչ Խալիդ Ալիևի տունը, հայտնում է Armenia.Az-ը։

«Հոկտեմբերի 8-ին հայկական հրթիռն ընկավ իմ տան վրա, այն ամբողջությամբ ավերվեց: Մենք բոլորս տանն էինք, բարեբախտաբար ողջ մնացինք: Հանձնաժողովի անդամները զննեցին մեր տունը: Շնորհակալությւոն ենք հայտնում մեր Գերագույն գլխավոր հրամանատարին, նա միշտ ժողովրդի կողքին է։ Մեզ համար նոր տուն է կառուցվել, հիմա մենք ապրում ենք այնտեղ»,- ասել է Խ.Ալիևը։

Նշենք, որ Հայրենական պատերազմի ժամանակ 11 քաղաքներում և շրջաններում վնասվել է ավելի քան 13000 շենք։ Պետության ղեկավարի հանձնարարությամբ, Քաղաքաշինության և ճարտարապետության պետական կոմիտեի հսկողության ներքո, ներկա փուլում արդեն ավարտվել են 11300 բնակելի տների և օբյետների շինարարական, վերանորոգման և վերականգնման աշխատանքները։ Բարդա քաղաքում՝ Հայաստանի զինված ուժերի ագրեսիայի արդյունքում ամբողջությամբ ավերվել է հինգ բնակելի շենք և երկու օբյեկտ, վնասվել է ավելի քան 240 տուն և շենք։ Կարճ ժամանակում վերանորոգվել և վերականգնվել է դրանցից 215-ը, հիմնովին վերակառուցվել է հինգ բնակելի շենք և մեկ օբյեկտ։ Ներկայումս վերանորոգվում և վերականգնվում է ևս 28 շենք, իսկ մեկ օբյեկտի շինարարությունը մոտենում է ավարտին։ Կարճ ժամկետներում նախատեսվում է աշխատանքները ավարտել Բարդա քաղաքում։

ARMENIA.AZ