Բելգիայի դեսպան. Ղարաբաղում ականները խոչընդոտում են նրա վերականգնմանը

26 0Հոկտեմբերի 2021 - 09:28

Ղարաբաղի վերականգնման խոչընդոտներից մեկն է հանդիսանում ականների և այլ չպայթած զինամթերքի առկայությունը:

Այս մասին Armenia.Az-ին հայտարարել է Ադրբեջանում Բելգիայի դեսպան Միշել Պիտերմանսը։

Դիվանագետն ընդգծել է, որ այս տեսակի զենքից մարդիկ ամենաշատն են տուժում։ Նրանք դեռևս հաճախ են վտանգի ենթարկվում վիրավորվելու կամ սպանվելու հակամարտության ավարտից դեռ երկար ժամանակ անց:

«Որպես 2006-2009 թվականներին Օտտավայի կոնվենցիայի նիստերի մասնակից՝ ես հանդիպել եմ այդ զենքի զոհերի հետ ամբողջ աշխարհում։ Ես իսկապես հուսով եմ, որ այս զենքն այլևս չի կիրառվի՝ այն անտեսանելի է և կարող է տեղաշարժվել հորդառատ անձրևի կամ բնական այլ երևույթների հետևանքով։ Արդյունքում շատ դժվար է հասկանալ, թե իրականում որտեղ են գտնվում դրանք»,- ասել է դեսպանը։

Դեսպանը նշել է, որ Բելգիան հանդիսանում է ականազերծման հետ կապված գործողությունների մեծ ջատագովը։ Լինելով առաջին երկիրը, որն արգելեց հակահետևակային ականները 1996 թվականին, նա առաջամարտիկի դեր խաղաց այդ զենքերի արգելման դեմ պայքարում և զգալիորեն նպաստեց՝ 1997 թվականին Հակահետևակային ականների արգելման կոնվենցիայի ընդունմանը:

Խոսելով Ղարաբաղի ենթակառուցվածքների վերականգնման գործընթացում բելգիական ընկերությունների մասնակցության հնարավորության մասին՝ դեսպանն ընդգծել է, որ մի շարք ընկերություններից արդեն դրական ազդակներ են ստացել այս հարցում. «Տեղեկատվությունը հանդիսանում է հիմնական տարրը։ Բելգիական ընկերությունները կարիքների մասին իմանալուց հետո, նրանք, անշուշտ, կհետաքրքրվեն»,- եզրափակել է դեսպանը։

ARMENIA.AZ