Ադրբեջանի, Ռուսաստանի և Հայաստանի հոգևոր առաջնորդները հանդես են եկել համատեղ հայտարարությամբ

13 0Հոկտեմբերի 2021 - 17:00

Կրոնական առաջնորդները պատրաստ են աջակցել Ադրբեջանի և Հայաստանի ժողովուրդների հաշտեցմանը՝ հանուն ներկա և ապագա սերունդների բարեկեցության և բարգավաճման:

Ինչպես տեղեկացնում է Аrmenia.Az-ը, այս մասին ասված է Ադրբեջանի Ռուսաստանի և Հայաստանի հոգևոր առաջնորդների համատեղ հայտարարությունում, որը Մոսկվայում կայացած եռակողմ հանդիպումից հետո ընթերցել է պատրիարք Կիրիլը:

«Ադրբեջանցի և հայ ժողովուրդների համար միասին ապրելուց բացի այլ ապագա չկա: Այսօր հատկապես կարևոր է վերականգնել մարդկանց վստահությունը միմյանց նկատմամբ, կրկին սովորել հարևանին ընկալել հարգանքով և փոխօգնության պատրաստակամությամբ: Նման կոչի բանալին կրոնական սրբավայրերի, պատմական հուշարձանների և գերեզմանատների նկատմամբ հարգանքն է, այլ հավատքի մարդկանց կրոնական զգացմունքների հարգանքը և հանգուցյալների հիշատակի հոգատար պահպանումը», - ասված է հայտարարության մեջ:

Նրանք նաև կոչ են արել երիտասարդներին հրաժարվել արմատականությունից և ագրեսիայից, ինչպես նաև խուսափել ատելության խոսքից և Լեռնային Ղարաբաղում ռազմական գործողությունների վերսկսման կոչերից:

«Ապագայում անհրաժեշտ է ամբողջ ուժով ձգտել խուսափել ատելության լեզվից, ձեռնպահ մնալ հակամարտության գոտում ռազմական գործողությունների կոչերից: Մենք երիտասարդներին կոչ ենք անում չտրվել ագրեսիայի և արմատականության ոգուն, առաջին հերթին խաղաղություն փնտրել»,- ասել են հոգևոր առաջնորդները:

ARMENIA.AZ